فوټبال نړیوال جام: هالنډ او سینګال دویمې مرحلې ته ووتل
په قطر کې د فوټبال د نړیوال جام په روانو سیالیو کې نن هالنډ له کوربه قطر څخه او سنیګال له اکوادو څخه لوبې وګټلې او دویمې مرحلې ته یې لاره ورکړه.
نن او وضعیت
د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي.
سپینې خبرې
د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.
پر اوکراین د روسیې یرغل 'د امریکا او هند اړیکې ننګولي'
په اوکراین باندې د روسیې یرغل د امریکا او هند اړیکې سږکال له ازمایښت سره مخامخ کړې، ځکه چې نوي ډیلي د مسکو د یرغل له غندلو ډډه وکړه او له روسیې څخه یې د انرژۍ وارداتو ته دوام ورکړ.
جرمني: د اوکراین د انرژۍ په تاسیساتو د روسیې بریدونه جنګي جرم دی
د جرمني د عدلیې وزیر مارکو بوشمن وايي چې د اوکراین د انرژۍ په تاسیساتو باندې د روسیې د توغندیو بریدونه «جنګي جرم» دی. په اوکراین کې د ژمي په درشل کې، روسیې د دغه هېواد د انرژۍ تاسیسات په نښه کړي چې د چارواکو په وینا میلیونونه خلک یې له برېښنا او اوبو څخه محروم کړي دي. ښاغلي بوشمن وویل چې د کال د تر ټولو سړو میاشتو څخه مخکې «په سیستماتیک ډول د تودوخې او برېښنا د انتقال سیستماتیک ویجاړول خطرناک جنګي جرم» دی. هغه وویل چې د دې کار له کبله به ډېر خلک د سوړ ژمي قرباني شي. د فرانسې خبري اژانس د راپور په اساس نوموړي د جي-۷ هېوادونو د عدلیې وزیرانو سره له لومړۍ غونډې وروسته، چې د اوکراین د عدلیې وزیر هم په کې و، دا څرګندونې کړې دي. ښاغلي بوشمن زیاته کړه: «جنګي مجرمینو ته باید په هېڅ ځای کې هم د خوندي احساس کولو اجازه ورنکړل شي.» هغه وویل چې د جي-۷ صنعت دموکراسیو[هېوادونو] باید «د جنګي جرمونو سره د ګډې مبارزې لپاره ښه همکاري کړې» وای. خو هغه دا خبره وکړه چې نهایتاً به د روسیې د لوړې کچې د مشرتابه په ضد قضیې د جنګي جرمونو په نړیوالې محکمې کې ولیدل شي. د نوموړي په وینا د روسیې پلټونکو د فبرورۍ په میاشت کې په دغه هېواد باندې د روسیې له یرغل راهېسې « د جنګي جرمونو نژدې ۵۰۰۰۰ قضیې» ثبتې کړې دي. د اوکراین لوی څارنوال اندري کوستین د اوکراین د مقاماتو هغه غوښتنه بیا تکرار کړې چې یوه ځانګړې نړیواله محکمه دې جوړه کړل شي او روسیه دې په کې د «یرغل په جرم» محاکمه شي. نوموړي همدغه راز د جرمونو په نړیوالې محکمې کې «حقوقي محدودیتونه» هم یاد کړي چې دا «د جنګي جرمونو، بشریت ضد جرمونو او نسل وژنې په جرمونو» پورې یې محدودوي. د اوکراین لوی څارنوال وویل: «که یرغل نه وای، جنګي جرمونه به نه کېدل.»
د اشنا د سه شنبې خبري خپرونه
د اشنا په خبري خپرونو کې د شنبې څخه تر پنجشنبې پورې د افغانستان، سیمې او نړۍ تازه خبرونه، او د ټولې نړۍ څخه په زړه پورې او معلوماتي رپوټونه، د مسولینو او کارپوهانو مرکې، ستاسې غږ او نور مطالب لیدلی شی.
اتصال تلویزیوني خپرونه
په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.
قطر: د فوټبال نړیوال جام په تیاریو کې شاوخوا ۵۰۰ کارګر مړه شوي
د فوټبال نړیوال جام د کوربتوب د چارو یوه لوړپوړي قطري چارواکي په لومړي ځل منلې ده چې د لوبو د تیاري په کار کې "له ۴۰۰ تر ۵۰۰" کارګران مړه شوي دي.
ایراني جنرال ومنله چې روانو مظاهرو کې تر۳۰۰ ډېر کسان وژل شوي
د ایران د پوځ یو جنرال ومنله چې په دغه هېواد کې د روانو مظاهرو په ترڅ کې په بې ثباتیو کې تر ۳۰۰ ډېر کسان وژل شوي دي. دا لومړی ځل دی چې په ایران کې د مظاهرو له پيل راهېسې یو ایراني مقام د وژل شویو کسانو په اړه داسې رسمي ارقام خپروي. د ایران سپاه پاسدارن ته نژدې یوې ویبپاڼې تېره ورځ نومبر ۲۸ (لړم اوومه) د دغه هېواد د هوايي/فضا ځواکونو د مشر جنرال امیر علي حاجي زاده له خولې لیکلي دي چې د «شهیدانو په ګډون څه باندې۳۰۰ تنه وژل» شوي دي. له «شهیدانو څخه» د هغه هدف د ایران امنیتي ځواکونه دي چې په مظاهرو کې په اخ او ډب کې وژل شوي. د نوموړي له خولې همدغه راز لیکل شوي دي چې اکثریت وژل شوي کسان عام خلک وو چې په مظاهرو کې یې ګډون نه درلود. نوموړي دا معلومات ورنکړل چې دا ارقام یې له کوم ځای څخه ترلاسه کړي دي. خو د ایران د بشري حقونو فعالان، چې دا مظاهرې څارې او په اړه یې معلومات ټولوي، وايي چې د مظاهرو له پيل راهېسې تر دې دمه ۴۵۱ ولسي کسان (چې ۶۴ کسان یې تر ۱۸ کالونو کم عمر لري) او ۶۰ امنیتي ځواکونه وژل شوي دي. همدغه راز د هرانا خبري اژانس وايي چې څه باندې ۱۸۱۸۰ کسان نیول شوي چې یوازې د ۳۳۷۷ کسانو هویت مشخص شوی دی. د ایران په ۱۵۷ ښارونو او ۱۴۳ پوهنتونونو کې مظاهرې شوي دي او په نیول شویو کسانو کې ۵۷۴ یې محصلین دي. د اسوشیتډپرس د راپور په اساس ایراني مقاماتو په رسنیو باندې کلک بندیزونه لګولي او اجازه نه ورکوي چې ددغو مظاهرو په اړه راپورونه خپاره کړي. د ایران دولتي رسنۍ هم د قربانیانو دقیق ارقام نه خپروي او یوازې په امنیتي ځواکونو باندې د بریدونو په اړه راپورونه خپروي چې د ایران حکومت یې د اورپکو او بیلتون غوښتونکو کار بولي. دغه ایراني جنرال د ایران د نورو مقاماتو دا خبره تکرار کړه چې ګنې لویدیځ هېوادونه او سعودي عربستان دا مظاهره کوونکي پاروي، خو دوی د خپلې دغې ادعا د اثبات لپاره شواهد نه وړاندې کوي. مګر د ایران مظاهره کوونکي وايي چې د اوسني رژیم څخه په تنګ راغلي او «د ښځې، ژوند او ازادۍ» لپاره مبارزه او مظاهره کوي. په ایران کې دا مظاهرې د سپتمبر په میاشت کې د پولیسو په توقیف کې د مهسا امیني په نامه د یوې نجلۍ له مړینې وروسته پیل شوې. ایراني پولیسو دا نجلۍ په دې خاطر نیولې وه چې سر یې لوڅ و. د ایران سربېره، د نړۍ په ګوټ ګوټ کې لسګونه زره خلکو د ایران د ښځو په ملاتړ مظاهرې وکړې. د بشري حقونو سازمانونو له مظاهره چیانو سره د ایراني ځواکونو چال چلند غندلی دی او امریکا له دې کبله په ځینو ایراني مقاماتو بندیزونه هم لګولي دي.
پاکستاني پلاوي کابل ته رسېدو سره د طالبانو د بهرنیو چارو له وزیر سره لیدلي
د طالبانو حکومت د بهرنیو چارو وزارت وايي، د پاکستان د بهرنیو چارو د نایب وزیرې حنا رباني کهر په مشرۍ یو پاکستانی پلاوی نن سې شنبه کابل ته ورسېد.
د افغانستان لپاره د امریکا سفارت شارژدافیره د 'هرات امنیتي خبرو' کې د ګډون لپاره تاجیکستان ته تللې
د افغانستان لپاره د امریکا متحده ایالاتو د سفارت شارژدافیره کرن ډیکر وايي، د «هرات امنیتي خبرو کې» د ګډون لپاره تاجیکستان ته تللې ده.
د فوټبال لوبغاړو ته د ایران خبرداری: که سمه رویه مو ونکړه، کورنۍ مو شکنجه کوو
په قطر کې د فوټبال د نړیوال جام په سیالیو کې ایران سه شنبه نومبر ۲۹ (لیندۍ۸) پداسې حال کې د متحده ایالاتو سره مخامخ کیږي چې ایراني چارواکو لوبغاړو ته خبرداری ورکړی که سمه رویه یې ونکړه، کورنۍ به یې بندي او شکنجه شي.
امریکا په فنلنډ د ۳۲۳ ملیون ډالرو په ارزښت د توغندیو پلورل منظور کړل
د متحده ایالاتو د دفاع وزارت دوشنبه نومبر ۲۸ (لیندۍ۷) اعلان وکړ چې په فنلنډ د دوو ډولو توغندیو پلور یې منظور کړی چې ټول ارزښت یې ۳۲۳ ملیون ډالر کیږي.
نیویارک کې د ۱۰ کسانو په وژنې تورن په خپل جرم اعتراف وکړ
د امریکا د نیویارک ایالت د بفالو په سیمه کې په یوې مغازې باندې وسله وال برید ګر په خپل جرم اعتراف کړی دی.
ستاسې غږ
ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۱۰:۰۰ تر ۱۰:۳۰ بجو پورې خپریږي. د تماس شمیره: ۳۱۳۶-۶۱۹-۲۰۲-۰۰۱
