ټول   BBC ازادي راډیو امریکا غږ ډیوه


ځانګړی رپوټ: اندونیزیا کې "هېر شوي" افغان کډوال ځانونه وژني

ګڼ شمېر افغانان دا مهال په اندونیزیا کې د کډوالۍ شپې سبا کوي او په دې تمه ناست دي چې کوم بل هېواد ته ځانونه ورسوي. دوی کې ډېری غواړي اسټرالیا ته لاړ شي. خو دا چاره دومره اسانه هم نه ده او د ځینو افغان کډوالو ناهیلۍ دومره ډېرې شوې دي چې پای کې یې ځانونه وژلي دي. بي بي سي د دوی له دوستانو او کورنیو سره خبرې کړې دي.

23.04.2021 BBC

زابل کې د ګاډو ټکر کې ۱۴ کسان ووژل شول

د افغانستان سوېل ته زابل کې چارواکي وايي، دغه ولایت کې د کابل-کندهار پر لویه لار د ګاډو د ټکر له امله ۱۴ کسان ووژل شول. دې پېښه کې د ټپیانو د شمېر په هکله ضد او نقیض خبرې دي. پېښه بېګا ناوخته د کندهار- کابل پر لویه لاره جلدک سیمه کي د باري ټېلر او سپرلۍ کاسټر د ټکر له امله شوې ده.

23.04.2021 BBC

جنرال مکنزي: افغان پوځ د امریکايي ځواکونو تر وتلو وروسته مرستې ته اړتیا لري

په منځني ختیځ او شمالي افریقا کې د امریکايي ځواکونو قومندان جنرال فرانک مکنزي وايي، د دغه هېواد د ټولو ځواکونو تر وتلو وروسته هم افغان پوځ مرستې ته اړتیا لري او که ور سره ونه شي "ړنګېږي. " د ایسوشېټېډ پرېس د رپوټ له مخې جنرال مکنزي د پنجشنبې په ورځ کانګرس ته وینا کې وویل، کابل کې د امریکا سفارت د خوندیتوب لپاره هم د افغان حکومت پر وړتیا شک لري.

23.04.2021 BBC

هند: یوه ورځ کې د کوویډ – ۱۹ تر ټولو ډېرې پېښې ثبت شوې

هند له هغه راهیسې چې یو کال وړاندې پکې کورونا وبا پیل شوې ده، په تېرو ۲۴ ساعتونو کې د کورونا وېروس تر ټولو ډېرې مثبتې پېښې ثبتې کړې دي.

22.04.2021 BBC

ملګرو ملتونو په اندونیزيا کې د کډوالو ځانوژنه غمیزه بللې

ملګرو ملتونو په اندونیزيا کې د کډوالو ځانوژنه یوه غمیزه بللې ده.

22.04.2021 BBC

روسیه: افغانستان کې د ناټو ماموریت ناکام و

د روسیې د بهرنیو چارو وزارت له افغانستان د ناټو او امریکایي‌ ځواکونو د وتلو په تړاو په یوه مفصله اعلامیه کې ویلي، افغانستان کې د ناټو ماموریت ناکام و. په اعلامیه کې راغلي چې له دوه لسیزې پوځي مبارزې وروسته لا هم طالبان د افغانستان پر نیمایي‌ خاوره واکمن دي او د افغان حکومت پر ضد جنګېږي. اعلامیه کې همدا راز راغلي، د داعش او نورو ترهګرو ډلو زرګونه جنګیالي هم افغانستان کې فعالیت کوي. اعلامیه کې همدا راز راغلي، د داعش او نورو ترهګرو ډلو زرګونه جنګیالي هم افغانستان کې فعالیت کوي.

22.04.2021 BBC

روسیه له اوکراین سره پولې ته نږدې سیمو نه خپل پوځیان وباسي

د روسیې دفاع وزیر سرګي شویګیو یو شمېر هغو پوځي ډلګیو ته چې له څه مودې راهیسې له اوکراین سره د پولې سیمه کې ځای پر ځای شوي وو، مرکزونو ته د بېرته د ستنېدو امر کړی. په کریمیا کې د خبرو پر مهال ښاغلي شویګیو وویل، په تمریناتو بوخت سرتېري به خپلو مرکزونو ته ستانه شي. په کریمیا کې د خبرو پر مهال ښاغلي شویګیو وویل، په تمریناتو بوخت سرتېري به خپلو مرکزونو ته ستانه شي. اروپايي ټولنه وايي، د روسيې او اوکراین پر پوله نژدې سل زره روسي سرتېري یو ځای شوي وو.

22.04.2021 BBC

ناسا په لومړي ځل مریخ کې 'د تنفس کولو وړ' اکسیجن تولید کړ

پر مریخ د ناسا مستقر ګاډي کې ځای پر شوې یوې الې د دغه ستوري له کاربن ډایاکسایډ چاپېریاله اکسیجن تولید کړي دي. دا د تکنالوژۍ کارولو په لړ کې د دې ماموریت دویمه بریا بلل کېږي، چې د دوشنبې پر ورځ یې یو کوچنۍ چورلکه هم پورته کړه.

22.04.2021 BBC

ولسمشر غني په کندهار کې: پاکستان دې د طالبانو له ملاتړه لاس واخلي

افغان ولسمشر محمد اشرف غني پنجشنبه کندهار ته د خپل سفر پر مهال یوې غونډې ته وویل،‌ پاکستان له افغانستان سره په اړیکو کې دوه غوراوي لري، یا به د ګټلو سیاست غوره کوي، یا به د بایلو سیاست انتخابوي. نوموړي یو ځل بیا پر پاکستان غږ وکړ چې د طالبانو له ملاتړه دې لاس واخلي. دا په تېرو څو ورځو کې دویم ځل دی چې ولسمشر غني د پاکستان په هکله ورته څرګندونې کوي.

22.04.2021 BBC

بریتانیا د 'امنیتي اندېښنو' له کبله خپلو اتباعو ته له افغانستان د وتلو سپارښتنه وکړه

د بریتانیا بهرنیو چارو وزارت د امنیتي اندېښنو له کبله خپلو وګړو ته سپارښتنه کړې چې افغانستان ته دې سفر نه کوي. دغه هېواد همدا راز افغانستان کې له خپلو مېشتو وګړو هم غوښتي چې د امنیتي خطرونو ډېرېدو له کبله له افغانستانه پر وتلو غور وکړي. بله خوا جرمني اعلان کړی چې له جولای میاشتې به له افغانستانه د خپلو پوځیانو ایستل پیلوي.

22.04.2021 BBC

هند کې کورونا؛ په یوه ورځ له ۳ لکو ډېر کسان پرې اخته او تر ۲ زرو ډېر ترې مړه شول

په هند کې د کورونا وېروس دویمې څپې په نړیواله کچه ریکارډ جوړ کړی چې په یوه ورځ پکې درې لکه ۱۴ زره ۸۳۵ کسان پرې اخته شوي. په هند کې په تېرو ۲۴ ګړیو کې د کورونا وېروس تر ټولو لوړې کچې (د ۳۱۴۸۳۵ مثبتو پېښو) ثبتولو سره په نړۍ کې ریکارډ جوړ کړی دی. په همدې موده کې هند کې د کورونا وېروس له کبله ۲۱۰۴ کسان مړه شوي دي.

22.04.2021 BBC

د ځمکې نړیواله ورځ ولې او د څه لپاره لمانځل کېږي؟

له تېرو ۵۱ کلونو راهیسې د ځمکې نړیواله ورځ د اپریل میاشتې په ۲۲مه نیټه لمانځل کېږي. سږکال دا ورځ په داسې حال لمانځل کېږي چې نړۍ تر بل هر وخت له ګڼو ننګونو سره مخامخ ده. د ځمکې نړیواله ورځ چې د اپریل میاشتې له ۲۲ نیټې سره سمون خوري هرکال په دې موخه په نړۍ کې لمانځل کېږي چې د ځمکې او چاپیریال په اړه د خلکو پوهاوي ډېر کړای شي.

22.04.2021 BBC

بېوزلو ته روژه ماتی

د پېښور پوهنتون یو شمېر محصلینو د ښار بېوزلو وګړو لپاره د (روژه ماتي‌ دسترخوان) لړۍ پیل کړې ده. دوی هر ماښام لسګونو هغو کسانو ته د روژه ماتي‌ بندوبست کوي‌ چې بېوزله دي‌ او خواړه نه لري.

22.04.2021 BBC

دېوال ختونکې پښتنه پېغله

پر دېوالونو او کمرونو ختل تر ډېره لوېديځه ټولنه کې دود دي، دا يو داسې سپورټ دی چې مينه وال يې پر طبيعي کمرونو يا د خنډونو پر دېوالونو خېژي.

22.04.2021 BBC

کوټې ته د چین د سفیر تللو سره سرینا هوټل کې چاودنې ۴ کسان ووژل او ۱۱ ټپیان کړل

د بلوچستان مرکز کوټې په سرینا هوټل کې د چاودنې له امله څلور کسان ووژل او یوولس ټپیان شول. د بلوچستان د کورنیو چارو وزیر میر ضیاالله لانګو له بي بي سي سره خبرو کې وویل، چاودنه د هوټل پارکېنګ کې شوې ده. دا چاودنه په داسې مهال ده چې د چین سفیر کوټې ته تللی، خو چارواکي وايي، نوموړی د چاودنې پر مهال سرینا هوټل کې نه و.

22.04.2021 BBC

OK
This site uses cookies. By continuing to browse the site, you are agreeing to our use of cookies. Find out more