د ټول افغان تګلاره

بسم الله الرحمن الرحيم

۱. ټول افغان له خپل نوم سره سم له امو تر اباسينه پورې د ټولو افغانانو د ملي فرهنګ ، علم ، ادب ، فلسفې ، هنر او سياست ناپييلې او خپلواکه بريښنايي پاڼه ده او له نامه څخه يې په ډاګه کيږي چې فردي او سيمه ييز ، سمتي او ژبه ييز ، توکمي او ګروهه ييز محدوديت او شوونيزم نه مني.

۲. ټول افغان د اسلام سپيڅلو احکامو او ملي ګټو ته درناوى لري، په چوکاټ کې یې کار کوي، او خپلې ټولې خپرونې د همدې ګټو په پام كې نيولو سره کوي.

۳. ټول افغان زموږ د لرغوني اريايي ټاټوبي لوی افغانستان خدمت ته ملا تړلې ده. د بې وځلي ، مظلوم، مېړني او اتل ولس په چوپړ کې يې له ۲۰۰۲ کال راهيسې په نه ستړې کېدونکو هلو ځلو لاس پورې کړی دی. ټول افغان هڅه کوي چې د ګرانو هېوادوالو د لا زياتو معلوماتواو  فرهنګي اړيكو د ټينګښت لپاره د هېواد د ليکوالو او فرهنګيانو اثار، ليکنې، او اندونه وړاندې کړي او د افغانستان او نړۍ له نوو او تازه پېښو، پرمختګونو، ستونزو او لاسته راوړنو څخه ولس خبر کړي.

۴. ټول افغان د بيان د ازادۍ درناوى کوي، هېوادوال هڅوي چې له دې طبيعي حق څخه ګټه واخلي، د ټول افغان په مټ خپل غږ پورته کړي، خپل روا حقوق وغواړي او تل ترې دفاع وکړي. ټول افغان په دې ترڅ کې هغو څرګندونو او بې ځايه ليکنو او اندونو ته ځای نه ورکوي چې ځينې يې د بيان د ازادۍ په پلمه د خپلو ناوړو موخو لپاره كاروي اوملي ګټو ته د زيان رسولو هڅې کوي.

۵. د هرې ليکنې مسوليت پخپله د ليکونکې په غاړه دی او د ټول افغان د ادارې او مسئولينو د اند استازيتوب نه کوي. په بلاګونو کې ليکنې د بلاګونو د څښتنانو له خوا په ليکه کېږي او بشپړ مسوليت یې د هغوی پر غاړه دی. ټول افغان پرې هيڅ ډول کنترول نه لري او مسوليت یې نه اخلي.

۶. ټول افغان د  بې ځايه نيوكو او پارونو په بشپړه توګه مخالف دی او چاته اجازه نه ورکوي چې پارونو ته لمن ووهي او ياهم په بې بنسټه توګه پر چا قلمي تېرى وكړي او حيثيت يې زيانمن کړي.

۷. په ټول افغان کې تبصرې او شننې بايد د اسلام سپېڅلي احکامواو د قلم سپېڅلتيا ته د درناوي، د افغانستان د ملي ګټو او ملي يووالي د روحيې په پام كې ساتلو سره ترسره شي. ټول افغان ځانته حق ورکوي چې د اسلام د احکامو مخالفې او ملي روحيې ته زيان رسونکي تبصرې او شننې ړنکې کړي او له خپلو پاڼو یې لرې کړي.

۸. ټول افغان د پښتو د معياري ملي ليکدود د تعميم لپاره د هغو هېوادوالو هڅې د ستاېنې وړ بولي چې د معياري ليکدود او ګړدود په ګټه له سيمه ييزو لهجو څخه په داوطلبه توګه تېرېدلو ته سروپ لېواله وي او په دې لړ کې يواځې په معياري ژبه او ليکدود خپرونې کوي.

۹.  ټول افغان د ملي فرهنګ د پياوړتيا لپاره يواځې په ملي ژبه پښتو ، او دري باندې خپرونې کوي.

۱۰. ټول افغان د نظر په څښتنانو او پوهانو غږكوي چې له ټول افغان سره د پورته تګلارې په پلي کولو او  مخته وړلو کې ملګري شي او په اړه یې ټول افغان ته وړانديزونه او نيوکې ولېږي.

و من الله التوفيق