غزل

لکـــه ګــلاب نه روغـي پاڼي هـــوآ يوسی
داسی دخپل وطن نه مسافر په ژړآ يوسی

دمور له غيږې نه يې لری بل وطن ته ليږی
دا غريبي له سړی ښــکلی اشنآ يوسی

لايې ډير پاته وی ارمــان دشبابت د دورې
خوبس مرګوټی ده بی وخته ورنه سآ يوسی

څوک دوطن ديد ته په تمه زيندګي تيره وی
څوک په وطن کې تور زيندان ته بې ګنآ يوسی

که دونيا جوړه امتحان ته خو په ټولو به يې
نو موږ افغانانو نه په ژوند ولی اعزآ يوسی؟

دچا لاسونه دچا ښپی نه وي مجبوره ګرزي
بدرنګه جنګ دسړی کور څخه ښکلا يوسی

چې تر پرونه يې (جباره) تاته ډاډ درکــــول
نن هغه خلک ستا ښونځی بندکړی رڼآ يوسی
عبدالجبار عابد