علي وزیر: د ترهګرۍ او د خانه جنګۍ جوړوونکو خلاف یو
علي وزير چې د رياستي ادارو په ضد د مبینه خبرو په الزام د كراچۍ په یو زندان کې بند دی د نهې، سه شنبې، په ورځ یې د قامي اسمبلۍ په غونډه کې شرکت وکړو. د اسمبلۍ سپيكر چارواکو ته علي وزیر د اسمبلۍ غونډې ته د راوستلو امر کړی و
د مغربي ملکونو اتحاد په افریقا کې داعش ته د ماتې ورکولو ژمنه کړې
د امریکا او نورو ایتلافیانو لخوا د پرله پسې فشار سربېره د ترهګرۍ ضد غربي چارواکو خبرداری کړی چې داعش نه یوازې د ژوندي پاته کېدو لارې موندلي دي بلکې په نور پراخېدو او پروپاګند یې هم توجه ورکړې ده
کرونا ویروس او په ترکیه کې د سوریايي کډوالو له کړاوه ډک ژوند
کرونا ترکیه کې سوریایي کډوال نور هم د بې وزلۍ کندې ته ټیل وهلي
افغان ملي امنیت شورا: د اعتراف پر ځای دې پاکستان رېښتیني همکاري وکړي
پاکستان د کورنیو چارو وزیر شیخ رشید په یوه ټېلې وژن مرکه کې ویلي چې د طالبانو کورنۍ په پاکستان کې مېشته دي، زخمي طالبان د درملنې دپاره پاکستان ته منتقل کېږي او ځینې پکې په پاکستان کې خاورو ته سپارل کېږي
امریکا بنګله دیش ته د کرونا دوه نیم میلیون ډوز واکسین ورکوي
د سپینې ماڼۍ یو مقام د فرانس پرس اژانس ته ویلي دي چې متحده ایالات نن د سه شنبې په ورځ جون ۲۹ (چنګاښ ۸) د مودرنا شرکت د کروناویروس ضد ۲.۵ میلیون ډوزه واکسین بنګله دیش ته استوي.
اسرائیل په متحدو عربو اماراتو کې سفارت پرانیست
د اسرائیل د بهرنیو چارو نوی وزیر په لومړي ځل متحدو عربو اماراتو ته سفر کوي.
صدر بایډن د اسرایلي صدر سره د ایران د اېټمي پروګرام په موضوع خبرې وکړې
د روېن سره ملاقات کې صدر بایډن په شام او عراق کې د پوځي عملیاتو دفاع وکړه او ویې وېل د دې اجازت یې ځکه ورکړی و چې ایران پلوه ملېشې په عراق کې په امریکايي مامورینو په حملو کې ککړې وې. هغه زیاته کړه د حملو اجازت یې د امریکې د ایین دلاندې ورکړی او د کانګرس غړي ترې خبرې وو
پاکستان کې دسوشل میډیا په نوؤ قوانینو دانټرنیټ کمپنۍ څه اندېښنې لري؟
د انټرنيت کمپنيو يو ځل بيا پاکستان کې دسوشل میډيا دڅار په ترمیم شوؤ قوانینو خپلې اندېښنې ښودلي او دهیواد دانفارمیشن ټېکنالوژۍ د وزارت لخوا جاري کړل شوې دسوشل میډيا دنوؤ قوانینو ترميم شوې مسوده یې رجعت خوښې بللې ده.
ایا پاکستاني چارواکو په پټه اسرایل ته سفرونه کړي؟
دپاکستان دبهرنیو چارو وزارت د وزیراعظم دپخواني سلاکار سید ذوالفقار بخاري چې ورته زلفې بخارې هم ویلې کیږې، اسرایل ته د سفر په اړه راپورونه بې اساسه او دحقیقت څخه لرې ګرځولي، او وایي اسرایل ته دغه رقم هیڅ سفرونه نه دي شوي.
'د جګړې ډېرېدو سره د کورنیو بیځایه شویو شمېر زیات شوی'
افغان چارواکي وايي په بېلابېلو ولایتونو کې د شخړو ډېرېدو له امله د کورنیو بیځایه شویو شمېر په بېسارې توګه ډېر شوی دی.
د کرونا ۳مه څپه؛ روغتیا وزارت: ښایي ۳ یا ۴ اوونۍ نورې هم سختې وي
په افغانستان کې د کرونا درېیمه څپه لاهم په تېزې د خپرېدو په حال کې ده او له امله یې هره ورځ لسګونه کسان مري. که څه هم د تېرې اوونۍ پرتله د کرونا په مثبتو پېښو کې درې سلنه کموالی راغلی، خو د عامې روغتیا وزارت وایي، د دوی د اټکل پر بنسټ ښایي درې یا څلور اوونۍ نورې هم سختې وي او وروسته کرار-کرار د مثبتو پېښو په شمېر کې کموالی راشي. د دې ورازت مرستیال ویاند میرویس علیزي ازادي راډیو ته وویل: "لا هم د کرونا ویروس مثبتې پېښې لیدل کېږي، د اټکل له مخې ښايي یو څو ورځې نورې هم د مثبتو پېښو د ثبت شاهدان اووسو، له دې وروسته له دوه تر درې یا هم تر څلورو اونیو وروسته به د مثبتو پېښو په ثبت کې کموالی راشي، یوازې د تېرې اوونۍ پرتله په مثبتو پېښو کې درې سلنه کموالی راغلی دی." دی له خلکو غوښتنه کوي چې د یاد ویروس په وړاندې عادي چلند ونه کړي او باید ټولې روغتیایي سپارښتنې په پام کې ونیسي. د عامې روغتیا وزارت د تازه شمېرو پر بنسټ په تېرو ۲۴ ساعتونو کې په دې هېواد کې ۷۷ نور کسان د کرونا ویروس له امله مړه شوي دي. دا شان په همدې موده کې ۱۵۰۱ نورې مثبتې پېښې ثبت شوي. د شمېرو له مخې په دې سره په دې هېواد کې د کرونا ویروس له امله د مړو شمېر ۴۸۷۱ او د ټولو اخته شوېو شمېر ۱۱۸۶۵۹ ته ورسېده. له همدې سره په دې هېواد کې د کرونا ضد واکسینونو د تطبیق چاره هم روانه ده. عامې روغتیا وزارت وایي، تر دې دمه له اته سوه اویا زره ډېرو کسانو ته واکسین تطبیق شوی دی. د دې وزارت د مرستیال ویاند میرویس علیزي په خبره په دې کسانو کې په کابل او د افغانستان په بېلابېلو ولایتونو کې بندیان هم شامل دي. که څه هم میرویس علیزی د هغه بندیانو چې واکسین ورته تطبیق شوي د شمېر په اړه څه نه وایي، خو د افغانستان د زندانونو د تنظیم اداره وايي، د افغانستان په ټولو زندانانونو کې د کرونا ضد واکسین لومړۍ مرحله پای ته رسېدلې چې په ترڅ کې یې له ۱۷ زره زیات کسان واکسین شوي دي. د دې ادارې ویاند صفي الله جلالزي ازادي راډيو ته وویل چې اوس مهال د ۲۲ ولایتونو په زندانونو کې د کرونا ضد واکسین دوهم پړاو روان دی: " د افغانستان د ټولو ۳۴ ولایتونو په زندانونو کې د کرونا ضد واکسین اول ډوز تطبیق شوی دی، شااوخوا ۱۷ زره بندیانو او د زندانونو پرسونل ته دا واکسین رسېدلي دي او د واکسین دوهم پړاو هم په ۲۲ ولایتونو کې جریان لري چې تر اوسه نږدې ۷ زره بندیانو او د زندانونو پرسونل ته تطبیق شوي دي." نوموړی وايي چې له وړاندې هم په زندانونو کې د کرونا ویروس په وړاندې احتیاطي تدابیر په پام کې نیول شوي او ټولو بندیانو او دغه شان د زندانونو په پرسونل ماسکونه او نور مواد ویشل شوي دي. په ورته وخت کې د افغانستان د عامې روغتیا وزارت وايي چې په راتلونکي میلادي میاشت کې به د امریکا مرسته شوي ۳ میلیونه ډوزه واکسین هم افغانستان ته انتقال شي. دا وزارت پلان لري چې په روان ۲۰۲۱ او راتلونکي ۲۰۲۲ میلادي کلونو کې د افغانستان ۶۰ په سلو کې وګړي واکسین کړي. د دې لپاره دا وزارت نږدې ۴۸ میلیونه ډوزه واکسینونو ته اړتیا لري.
افغانستان کې د کرونا تازه پېښو کې ۷۷ نور ناروغان مړه شوي
د افغانستان د عامې روغتیا وزارت په تیرو ۲۴ ساعتونو کې په دغه هیواد کې د کرونا ویروس د ۱۵۰۱ مثبتو پېښو ثبتېدو خبر ورکړی دی.
داسرایل دبهرنیو چارو وزیر په دوه ورځني سفر متحده عرب امارات ته رسیدلی
داسرایل د بهرنیو چارو وزیر یایر لیپډ په دوه ورځني سفر متحده عرب اماراتو ته رسیدلی اؤ ټاکل شوې ده دغلته به ابوظهبي کې داسرایلي سفارتخانې اؤ دوبۍ کې دقونسلګرۍ پرانسته کوي.
په شام کې د راکټي بريدونو وروسته امريکې ځوابي بريدونه کړي
د امریکايي پوځ وياند ويلي د شام په دير الزور ښار کې د ګل په ورځ په امریکاي پوځ د راکټي بریدونو په ځواب کې امریکايي پوځ جوابي بريدونه کړي دي.
بونير: يو افغان کډوال د مذهب د سپکاوي په تور نيول شوی
د خېبرپښتونخوا په بونیر ضلع کې په يو افغان کډوال د مذهب د سپکاوي تور لګول شوی، پوليسو نيولی او په پاکستان کې د مذهب د سپکاوي د قانون د مادو لاندې يې پرې مقدمه درج کړې ده.