بایډن جمهوري غوښتونکو ته : د حکومتي لګښتونو په هکله د خپل "سخت دریځ" څخه تیر شئ
د متحده ایالاتو جمهور رئیس جو بایډن یکشنبه مې ۲۱ (غوایي۳۱) د استازو مجلس په جمهوري غوښتونکو غږ وکړ چې د حکومت د لګښتونو په هکله د خپل سخت دریځ څخه تیر شي تر څو د دموکراتانو سره موافقې ته ورسیږي او وړاندې تر دې دا هیواد د مالي مسؤلیتونو په ادا کولو کې پاتې راشي، د پور اخیستو اندازه لوړه شي.
ښاغلي بایډن چې د جاپان هیروشیما کې په خبري کنفرانس کې خبریالانو سره خبرې کولې، وویل چې د مسؤلیتونو ادا کولو د پاتې راتګ د مخنیوي لپاره چې د متحده ایالاتو او نړۍ په اقتصاد به ناوړه اغیزه ولري، یوازې د جمهوري غوښتونکو د شرطونو له مخې موافقه نه کیږي.
هغه زیاته کړه، " وخت یې دی چې جمهوري غوښتونکي ومني داسې هیڅ دوه ګوندي موافقه نشته چې یوازې او یوزاې د هغوي د ګوند په خوښه به کیږي".
د متحده ایالاتو جمهور رئیس پخپلو خبرو کې دا هم وویل چې د هیواد د پور اندازې لوړولو لپاره یې له خپلې خوا د حل لارې وړاندې کړي او اوس د دې وخت دی چې جمهوري غوښتونکي د خپل سخت دریځ څخه تیر شي.
جمهور رئیس بایډن چې ټاکل شوې نن یکشنبه د جاپان څخه بیرته واشنګټن ته راشي یو ځل بیا یې د استازو مجلس مشر کیون مک کارتي سره خبرې کړي او د دواړو خواوو د مرکچیانو د غونډې غوښتنه یې کړې.
ښاغلي بایډن دا هم ویلي چې د دوشنبې په ورځ به د ښاغلي مک کارتي سره دوه په دوه وګوري. د استازو مجلس مشر د جمهور رئیس سره جاپان ته تر روانیدو وړاندې هم کتلي و.
کیون مکارتي د کانګرس په ماڼۍ کې خبریالانو ته وویل چې د جمهور رئیس سره خبرې یې ګټورې وې او تر څنګ یې دا هم وویل چې کولی شي ځینو ستونزو ته د خبرو د لارې د حل لاره پیدا کړي.
سپینه ماڼۍ، پالیسي جوړوونکي او بانکونه د څو اوونیو راپدیخوا خبرداری ورکوي چې متحده ایالات د ډیفالټ کیدو په ژۍ ولاړ دی – داسې اقدام چې ښایي امریکا یو نا معلوم لوري ته سوق کړي او د اقتصادي رکود او نړیوال مالي بحران په ګډون به جدي عواقب ولري.
په کانګرس کې د بودجې دفتر چې د هیڅ ګوند پورې اړه نلري د تیرې جمعې په ورځ یې وړاند وینه کړې وه که جمهور رئیس جو بایډن او د کانګرس غړي د ملي پور اندازې په لوړلو کې موافقې ته سره ونه رسیږي، دا هیواد ښایي د روان میلادي کال د جون د میاشتې په ۱۵ مې نیټې د خپلو مسؤلیتونو په ادا کولو کې پاتې راشي.
جمهور رئیس جو بایډن پخپلې خبرې ټینګ ولاړ دی او د پور اندازې لوړیدل غواړي خو په کانګرس کې جمهوري غوښتونکي چې د استازو په مجلس کې اکثریت دي، یوازې په هغه صورت کې د پور اخیستو واک پراخوي چې د لګښتونو په بودجې کې د پام وړ کموالی راشي.
د متحده ایالاتو ملي پور په اوس وخت کې ۳۱.۴ ټریلیون ډالر دی
په عین حال کې د متحده ایالاتو د خزانې وزیرې د تیرې پنجشنبې مې ۱۹ د ان بي سي تلویزیون سره په مرکې کې وویل لا څرګنده نده چې د حکومت سره به نغدې پیسې څه وخت خلاصې شي تر دې وړاندې یې ویلي و که د جون تر ۱۵ مې کانګرس او سپینه ماڼۍ موافقې ته ونه رسیږي، متحده ایالات به د خپلو مالي مسؤلیتونو په ادا کولو کې پاتې راشي.
میرمن یلن دا خبرداری هم ورکړی و که کانګرس په راتلونکو اوونیو کې عمل ونکړي، دا وضعیت به د اقتصادي او مالي ګډوډۍ سبب به شي.
میرمن یلن دا خبرداری هم ورکړی و که د پور اخیستو اندازه لوړه نشي، دا هیواد ښایي ونشي کړای خپل مالي مسؤلیتونه ادا کړي او د " پور په ادا کولو کې د پاتې راتګ د ناوړه خطر" سره به مخامخ شي.
د متحده ایالاتو د خزانې وزیرې د استازو مجلس مشر کیون مکارتي او نورو مشرانو ته په یو لیک کې لیکلي، " زمونږ تر ټولو غوره اټکل دا دی که چیرته کانګرس تر ټاکلې نیټې پورې د پور اندازه لوړه یا ونه ځنډوي نو وبه نشو کړی چې د جون میاشتې په سر کې او ښایي د جون په لومړۍ نیټې د حکومت ټولي مالي مسؤلیتونه ادا کړو."
Start typing... Lorem ipsum dolor sit amet, consectetur adipiscing elit. Praesent et imperdiet lacus. Integer gravida mauris eu tortor mollis facilisis. Praesent feugiat, arcu sit amet sodales aliquet, arcu mauris imperdiet quam, id pulvinar sapien libero nec arcu. In sed egestas arcu. Nullam non eros eget metus cursus faucibus sed a mi. Pellentesque ut ante tellus. Nam tempus purus vitae ante eleifend rutrum. Integer blandit blandit quam, at vehicula velit fringilla sed. Fusce at aliquet massa, pulvinar lacinia eros. Pellentesque sed nisl varius lorem mollis fermentum et vitae erat. Curabitur pharetra dapibus urna eget cursus. Mauris placerat, turpis vestibulum ullamcorper placerat, ante dui imperdiet quam, at tristique ex mi quis ante. Maecenas quis imperdiet urna. Nam eget elementum ante.
