زیلنسکي امریکایي قانون جوړونکو ته: اوکراین سره ستاسې مرسته خیرات نده
د اوکراین ولسمشر ولادمیر زیلنسکي د چهار شنبې په ورځ ډسمبر ۲۱ (لیندۍ ۳۰) د امریکا په کانګرس کې امریکایي قانون جوړونکو ته د وینا پرمهال وویل چې له اوکراین سره د امریکا مرستې خیرات ندي.
د امریکا په ګډون،ګڼو هیوادونو د نجونو د زده کړو د ځنډولو پریکړه په کلکه وغندله
د متحدو ایالتونو په ګډون د نړۍ ګڼ شمیر حکومتونو د چهار شنبې په ورځ ډسمبر ۲۱ (لیندۍ ۳۰) په یوې مشترکه اعلامیه کې د افغان نجونو پر مخ د پوهنتونونو د تړل کیدو په اړه د طالبانو پریکړې ته جدي غبرګون ښودلی دی.
ولسمشر بایډن د اوکراین صدر ته وویل: امریکایان په ویاړ د اوکراین له خلکو سره ولاړ دي
واشنګټن ـــــ د اوکراین ولسمشر ولادیمیر زلنسکي امریکې ته په راتګ سره له ولسمشر جوبایډن سره تر لیدو وروسته ګډې خبري غونډې ته د امریکې د حکومت، کانګرس او خلکو مننه وکړه چې وایي له اوکراین سره یې مرسته کړې ده. ولسمشر جو بایډن د شورو- چارشنبې په مازیګر د اوکراین ولسمشر ویلادیمیر زلنسکي ته په سپینه ماڼۍ کې ښه راغلاست ووایه او تر لیدنې وروسته یې له هغه سره ګډې خبري غونډې ته وویل چې د امریکې خلک له اوکراینیانو سره "په ویاړ" ولاړ دي. صدر بایډن وویل: "د اوکراین خلک پرله پسې نړۍ متاثره ورکوي، دوی نه یواځې موږ متاثره کوي بلکې نړۍ ته یې پخپله زړورتیا سره الهام ورکړی چې دوی څنګه د خپل راتلونکي لپاره له لچک او عزم څخه کار واخیست." د روان کال د فرورۍ پر 24مه په اوکراین باندې د روس تر یرغل تقریباً لس میاشتې وروسته کوم بهرني هېواد ته د ولسمشر زېلینسکي دا لومړنی سفر دی. صدر زلینسکي- چې په انګرېزي ژبه یې خبرې کولې- د امریکې د دوه اړخیز ملاتړ له کبله د ولسمشر جوبایډن ستاینه وکړه او ویې ویل: "زه له خپل زړه، د اوکراینیانو له زړونو، د ټولو اوکراینیانو او زموږ د عام ولس له خوا ستاسې د عامو خلکو، د عامو امریکایانو مننه کوم". ولسمشر زلنسکي وویل ډېر مخکې یې لا غوښتل چې امریکې ته سفر وکړي خو ویې نه کړای شول، ځکه چې وایي په هېواد کې یې جګړه لا نه ده ختم شوې او له روسیې سره د جګړې له کبله له ډېرو چېلنجونو سره مخ دی. صدر زیلینسکي بایډن ته د «کراس فار میلیټري مېرټ» په نوم میډل هم د سوغات په توګه ورکړ چې د اوکراین د هغه پوځي وو، کوم چې د امریکې له خوا اوکراین ته د ورکړل شوو همارس راکټ سیسټم کېپټن وو. اوکرایني پوځ زلنسکي ته ویلي وو چې دا میډل "ډېر زړور ولسمشر" ته ورکړي. ولسمشر بایډن له دې فرصته په ګټې اخېستلو سره یو ځل بیا په ټینګار سره وویل چې امریکا نه یواځې په تېرو وختونو کې له اوکراین سره مرسته کړې، بلکې نن به یې هم کوي او په راتلونکې کې تر هغو چې ورته اړتیا وي. که څه هم زېلینسکي د جګړې د پیل راهیسې تر اوسه پورې له هېواد څخه د باندې نه وو وتلی خو د هېواد دننه یې ډېر سفرونه کړي او د نهې- سې شنبې په ورځ یې په ختیځ کې د بخموت ښار لیدنه کړې چېرې چې د دواړو لوریو ترمنځ درنه جګړه روانه ده. زېلینسکي په وار وار له امریکا او نورو څخه غوښتي دي چې هوايي دفاعي سیستمونه دې ورته ورکړي چې پرې د روسانو له خوا د توغندیو او ډرون بریدونو مخه ونیسي. واشنګټن ته د ولسمشر زلنسکي تر رسېدو مخکې امریکا له اوکراین سره د یو ارب ډالرو په ارزښت نوې پوځي مرسته اعلان کړه چې د هوايي دفاع پرمختللي پېټریاټ توغندیو بېټرۍ هم پکې شاملې دي.
محصله هوا جبارخیل: فکر کوم د داسې یو جرم سزا راکول کیږي چې نه مې دی کړی
یوشمېر محصلانې وایي، د طالبانو د لوړو زده کړو وزارت وروستۍ پریکړې ناهیلې کړي او بوږنولي دي. د طالبانو د حکومت لوړو زده کړو وزارت د سه شنبې په ماښام د یوه فرمان له مخې د نجونو پوهنتونونه تر دویم اعلان پورې وځنډول. د طالبانو دغې پریکړې په دننه او بهر کې غبرګونونه پارولي دي. فریدې سیال د ننګرهار پوهنتون له محصلې هوا جبارخیل سره په دې تړاو خبرې کړي.
غني: د ښځو د تعلیم په اړه د طالبانو پرېکړه خواشینوونکې او کرکجنه ده
د افغانستان مخکني ولسمشر محمد اشرف غني په پوهنتونونو کې د نجونو د تحصیل د بندولو په اړه د طالبانو په پرېکړې خواشینې ښودلې او هغه یې د جنستیي تبعیض یوه «ښکاره او کرکجنه بیلګه» بللې ده.
ستاسې غږ
ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۱۰:۰۰ تر ۱۰:۳۰ بجو پورې خپریږي. د تماس شمیره: ۳۱۳۶-۶۱۹-۲۰۲-۰۰۱
طالبانو کابل کې د نجونو ابتدایه ښوونځي تړلي او ښوونکي یې شړلي
د نجونو پر مخ د پوهنتونونو د دروازو له تړل کېدو وروسته، د کابل ښار د نجونو د ښوونځیو ښوونکي وايي طالبانو د نجونو لومړني ښوونځي هم تړلي او هغوی ته يې امر کړی چې نور ښوونځيو ته رانشي.
نن او وضعیت
د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي.
د امریکا کانګرس افغانانو ته د ۴۰۰۰ نویو ویزو ورکولو وړاندیز وکړ
په متحدو ایالتونو کې د افغانانو د مېشتولو لایحه (Afghan Adjustment Act) ، چې په اساس به یې زرګونو افغانانو ته دایمي اقامه ورکول کېده او د ژوند نور امکانات برابرېدل، په کانګرس کې منظوره نشوه، خو د کانګرس غړیو افغانانو ته د مهاجرت ۴۰۰۰ نویو ځانګړو ویزو [SIV] د وروکولو وړاندیز وکړ.
راشد، نبي او نورو لوبغاړو د نجونو د تحصیل په بندولو غبرګون ښودلی
د افغانستان د کرکټ د ملي لوبډلې وتلیو ستوریو راشد خان، محمد نبي، رحمان الله ګربز او ګلبدین نایب د طالبانو له لوري په پوهنتونونو کې د نجونو د تحصیل د بندولو په اړه خواشيني څرګنده کړې او تعلیم یې د نجونو حق بللی دی.
د اشنا د چهارشنبې خبري خپرونه
د اشنا په خبري خپرونو کې د شنبې څخه تر پنجشنبې پورې د افغانستان، سیمې او نړۍ تازه خبرونه، او د ټولې نړۍ څخه په زړه پورې او معلوماتي رپوټونه، د مسولینو او کارپوهانو مرکې، ستاسې غږ او نور مطالب لیدلی شی.
امریکايي چارواکو د طالبانو د مخالفینو سره ملاقاتونه کړي
د کال ۲۰۲۱ د اګست په میاشت کې چې طالبان په افغانستان بیا واکمن شول نو امریکې سره يې د ترهګرۍ خلاف د مرستي ژمنه وکړه او لوظ يې وکړو چې ټول شموله حکومت به جوړوي او د افغانانو او په خصوصي توګه د افغان مېرمنو د بنیادي حقونو احترام به کوي
اتصال تلویزیوني خپرونه
په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.
د نجونو د تعلیم بندولو پرېکړې ته د طالبانو ځینو غړو او ملاتړو غبرګون ښودلی
د نجونو پرمخ تر ثاني امره د پوهنتونونو د دروازو د تړلو په وړاندې د عامو افغانانو او نړیوالو د پراخ غبرګون ترڅنګ د طالبانو د حکومت یو شمیر چارواکو او ملاتړو هم غبرګونونه ښودلي دي.
ځانګړې مرکه
د افغانستان او نړۍ د تودو موضوعګانو په هکله د مسولینو، مقاماتو، کارپوهانو او څیړونکو سره ځانګړې مرکې هره چهارشنبه د ماښام ۶:۰۰ بجو څخه تر ۶:۳۰ بجو دقیقو پورې د امریکاغږ په سپوږمکۍ او ډیجیټلي خپرونو کې وګورئ او واورئ.
