په امریکا کې یوه لړم د یونایټډ هوایي چلن هغې الوتکې ته لار موندلې چې له سن فرانسېسکو نه اټلانټا ته روانه وه، او یوه مساپره ښځه یې هم چېچلې ده. که څه هم دا ډول پېښې کمې کېږي، خو دا لومړی ځل نه دی چې په الوتکه کې د سفر پر مهال لړم موندل شوی.
ساینس پوهانو په یوه تازه خبرداري کې ویلي، د اقلیمي بدلون او ککړې هوا له کبله د نړۍ په سمندرونو کې اکسیجن په ختمېدو دی، او د کبانو ځینې ډولونه له جدي ګواښ سره مخ دي. کارپوهان زیاتوي چې په سمندرونو کې د نورمال ژوند یا حالت بدلېدل پر ځمکه ژوند هم ګډوډولی شي
د افغانستان د ولسمشرۍ ټاکنو په بهیر کې د رامنځته شوي په ټپه ولاړ حالت پای ته رسولو لپاره د ټاکنو کمېسیون هڅه کوي په یوه علنی غونډه کې معترضو نوماندانو ته قناعت ورکړي. د ټاکنو کمېسیون د ولسمشریزو ټاکنو د روانې لانجې د اوارولو په موخه نن د نوماندانو د ټاکنډلو، ګوندونو او ټاکنڅارو ټولنو تر منځ ښکاره غونډه وربللې ده.
یو امریکایی څېړونکي چې په ایران کې د جاسوسۍ په تور نیول شوی و، د هغه ایراني ساینسپوه بدل کې خوشی شوی چې امریکایانو نیولی و. د دواړو هېوادونو تر منځ خړ پړ اړیکو ته په کتو سره دغه تبادله د همکارۍ یوه کمسارې بېلګه بلل کېږي.
افغان حکومت د جاپاني خیریه کارکوونکي ډاکټر تېڅو ناکامورا مړی د ځانګړو مراسمو په ترڅ کې د هغه کورنۍ او خپلوانو ته وسپاره. د ناکامورا د جسد وړلو لپاره د هغه میرمن، لور او یوشمیر نور خپل خپلوان او ملګري پرون جمعه کابل ته راغلي وو.
د 'پاني پت' په نامه د هند د بالیووډ سینما هغه فلم چې په ټوله نړۍ کې د هندیانو په ګډون ګڼ شمېر افغانان هم سترګې پر لار وو، د دسمبر پر شپږمه نېټه نندارې ته وړاندې شو. ځینو فغانانو سره دا اندېښنه پیدا شوه ګواکې د فلم جوړوونکو به تاریخي حقایق له پامه غورځولي وي او د احمد شاه بابا شخصیت او رول ته ښایي په فلم کې سپکاوی شوی وي.
په افغانستان کې د وژل شوي جاپاني خیریه کارکوونکي ډاکټر تېڅو ناکامورا کونډه او مشرۍ لور نن 'جمعه ۶ دسمبر' افغانستان ته رسېدلې دي چې د ده مړى له ځان سره يوسي. ارګ وايي، ولسمشر غني د ناکامورا له کونډې او لور سره په لیدنه کې له هغوی سره خواخوږي څرګنده کړې.
د افغان ولسمشریزو ټاکنو یو کاندید ګلبدین حکمتیار وايي، افغانستان کې د شفافو ټاکنو او سولې راتګ لپاره موقت حکومت ته اړتیا لري. ښاغلي حکمتیار د خپلو پلویانو یوې غونډې ته وینا کې اوسنی افغان حکومت 'د جګړې دوام عامل او د سولې راتګ پر وړاندې خنډ' وباله.
د چین د اویغور توندلارې اسلامي ډله یا د اسلامي ترکستان ګوند چې له القاعده سره تړلی بلل کېږي او سوریه کې فعالیت کوي، تازه ویډیو یې خپره کړې چې ښيي وسلوال یې په افغانستان کې په جګړه کې ښکېل دي. خو ور سره داسې پوځي وسایل هم ښيي چې ښکاري دې وسلوالو له افغان امنیتي ځواکونو نیولي.
د امریکا د استازو جرګې مشرې نانسي پېلوسي اعلان کړی چې یاده جرګه به رسماً د ولسمشر ډونلډ ټرمپ د استیضاح پروسه پیلوي. ولسمشر ټرمپ یې په ځواب کې ویلي، که دېموکراتان دا کار کوي نو بیړه دې وکړي.
ننګرهار والي شاه محمود میاخېل وايي، په جلال اباد کې د جاپاني وژل شوي خیریه کارکوونکي تېڅو ناکامورا د وژنې پلان له افغانستانه بهر چمتو شوی و. په خواله رسنیو کې او دغه راز په ځانګړو مراسمو کې یې د وژنې په تړاو د افغانانو غبرګونونه پراخ وو.
امریکايي رسنیو د دغه هېواد د چارواکو له خولې په منځني ختیځ کې د واشنګټن د ګتو پرضد د ګواښ ډېرېدو خبر ورکړی او وايي ایران په پټه په عراق کې د لنډ واټن ویشتونکو توغندیو یو وسلهتون جوړ کړی دی. نیویارک ټایمز د امریکا د پوځي او امنیتي چارواکو له خولې ویلي، د ایران دا کار د هغو هڅو یوه برخه ده، چې غواړي په منځني ختیځ کې وېره خپره کړي.
د افغانستان د ولسمشریزو ټاکنو درې تنه نوماندان؛ عبدالله عبدالله، ګلبدین حکمتیار او رحمت الله نبیل په یوه ګډه خبرپاڼه کې ټینګار کړی چې په ټاکنو کې درغلي شوې او دوی به یې پر وړاندې په ګډه ودرېږي. دوی له یوې ناستې وروسته یوه پنځه مادې لرونکې ګډه خبرپاڼه خپره کړه.
د افغان سولې لپاره د امریکا ځانګړی استازی زلمی خلیلزاد وايي، د 'اسلامي دولت' داعش ضد جګړه کې پاموړ پرمختګ شوی دی، چې د امریکايي ځواکوو، ناټو او افغان امنیتي ځواکونو سربېره، وسلوال طالبان هم پکې رول لري.
د افغانستان ختیځ ننګرهار ولایت سیمه ییز چارواکي وايي، نن (چارشنبه) جلال اباد ښار کې د یوې جاپانۍ مؤسسې پر موټر وسله وال برید شوی، چې پنځه افغانان پکې وژل شوي او یو جاپانی وګړی، چې د مؤسسې مشر دی، د ټپونوله کبله مړ شوی.
