د سریلانکا ۱۰ لوبغاړو پاکستان کې له لوبېدلو ډډه وکړه

د امنیتي اندېښنو له امله د سریلانکا کرېکټ لوبډلې لس لوبغاړي پاکستان کې دریو یو ورځنیو او درې شل اوره سیالیو کې نه لوبېږي. دې لوبغاړو کې د سریلانکا د یو ورځنیو لوبو کپتان دیموت کرونارتني او د شل اوره لوبډلې کپتان لیست ملنګا هم شامل دی.

ټرمپ: افغانستان کې مو دښمن تېرو څلور ورځو کې سخت ځپلی

د امریکا ولسمشر ډونلډ ټرمپ ویلي، امریکایي ځواکونو په افغانستان کې د پولیسو رول درلود، چې داسې باید نه وای. نوموړي پر خپله ټوېټر پاڼه لیکلي، په تېرو څلورو ورځو کې امریکا په افغانستان کې دښمن دومره سخت ځپلی چې په تېرو لسو کالو کې هم نه و ځپل شوی

کرېکټ: افغانستان ټسټ لوبه کې بنګله دېش په لوی توپیر مات کړ

د افغانستان د کرېکټ ملي لوبډلې نن دوشنبه له کوربه هېواد بنګله دېش ته په یوازینۍ ټسټ لوبه کې په ۲۲۴ منډو لویه ماتې ورکړه. د افغانستان کپتان راشد خان په لومړۍ پاڼۍ کې پنځه او په دویمه پاڼۍ کې شپږ وېکټې واخیستې او په دې توګه د لوبې غوره لوبغاړی شو

د افغان سولې خبرو لغوه کېدو ته د پاکستان او ایران غبرګونونه

پاکستان د امریکا ولسمشر ټرمپ ورستیو څرګندونو ته غبرګون ښوولی او وايي چې پاکستان به تل پر خپله هغه تګلاره ولاړ وي چې د افغانستان لانجه د جګړې له لارې نه شي حل کېدای. ددې هېواد د بهرنیو چارو وزارت په خبرپاڼه کې راغلي چې پاکستان د امریکا او طالبانو ترمنځ د خبرو اترو بیا پیل ته خوشبین دی.

پومپیو: طالبان دې خپل چلند بدل کړي او تمه ده افغان حکومت سره خبرې وکړي

د امریکا د بهرنیو وزیر مایک پومپیو په یوې ټلویزیوني مرکه کې ویلي تر هغه به له طالبانو سره خبرې نه کېږي چې خپل چلند یې بدل کړی نه وي. ښاغلي پومپیو وايي چې له طالبانو سره د خبرو لپاره د امریکا ځانګړی استازی زلمی خلیلزاد هم بېرته امریکا ته ستنېږي.

طالبان: د سولې خبرو لغوه کولو تر ټولو لوی تاوان به امریکا ته رسي

وسله والو طالبانو له امریکایانو سره د سولې د خبرو لغوه کېدو ته په خپل لومړي غبرګون کې ویلي، د ولسمشر ډونلډ ټرمپ دې پرېکړې تر ټولو لوی تاوان به پخپله امریکا ته رسېږي. له دې وړاندې افغان حکومت له طالبانو سره د سولې د خبرو درولو په اړه د ولسمشر ټرمپ اعلان هرکلی کړی.

ټرمپ له طالبانو سره د سولې خبرې لغوه کړې

د امریکا ولسمشر ډونلډ ټرمپ وايي، په کمپ ډېوېد‌کې یې د سولې په تړاو د طالبانو له مشرانو او له افغان ولسمشر سره خبرې لغوه کړې او د امریکا او طالبانو ترمنځ د سولې په تړاو خبرې یې درولې دي. د افغان سولې لپاره د امریکا ځانګړي استازي زلمي خلیلزاد ویلي وو، له طالبانو سره هوکړه په اصولو کې نهايي شوې او یوازې د ټرمپ تایید ته اړتیا ده.‌

امریکا دفاع وزير: موږ له طالبانو سره هر ډول معامله نه منو

د امريکا د دفاع وزير مارک اېسپر چې په پاريس کې یې د فرانسې وسله والو ځواکونو له وزيرې سره ګډ خبري کنفرانس ته خبرې کولې وويل، داسې حال کې چې دوی له طالبانو سره يو سياسي جوړجاړي ته درسېدو په لټه کې دي، واشنګټن به یې په وينا د هر ډول تړون منلو ته غاړه نه ږدي.

'د بدخشان وردوج ولسوالۍ له ۵ کلونو وروسته دولت ونیوه'

د افغانستان دفاع وزارت وايي، افغان امنيتي ځواکونو د بدخشان ولایت وردوج ولسوالي له طالبانو بېرته نیولې ده. طالبانو دا خبر دروغ بللی. وردوج له تېرو پنځو کلونو راهیسې د طالبانو په لاس کې وه. دفاع وزارت بدخشان ته د طالبانو د نومول شوي والي د وژل کېدو ادعا هم کوي.

له توغول شوې هندي سپوږمکۍ سره اړیکه غوڅه شوې

فضا ته د هند لومړنۍ توغول شوې مصنوعي سپوږمۍ ظاهراً بې پایلې پاتې شوې. چارواکي وايي، چندریان-۲ په بریالیتوب سپوږمۍ ته نژدې شوې وه،‌ خو کله یې چې سطحې ته ۲۰۱ کیلومتره نژدې شوه، له ستونزو سره مخامخه شوه.

''وسله والو طالبانو د فراه انار درې ولسوالۍ نیولې''

د فراه ولایت امنیتي چارواکي وايي، نن 'جمعه سپتمبر ۶' د فراه انار درې ولسوالۍ وسله والو طالبانو ونیوله. د پولیسو ویاند محب الله محب بي بي سي ته وویل، پولیس له ولسوالۍ وتلي دي. له دې مخکې وسله والو طالبانو د فراه پر مرکز هم برید وکړ، خو چارواکي وايي، بېرته یې په شا وتمبول.

کانګرس له خلیلزاد له طالبانو سره د هوکړې وضاحت غواړي

د امریکا کانګرېس د بهرنیو چارو کومیټې د افغان سولې لپاره د دغه هېواد له ځانګړي استازي زلمي خلیلزاد نه غوښتي چې له طالبانو سره د سولې تړون په هکله وضاحت د لپاره د دې کومیټې ځانګړې ناستې ته ور شي.

''واشنګټن ته د ولسمشر غني سفر وځنډېد''

افغان ولسمشرۍ ماڼۍ کې یوې سرچينې بي بي سي ته د دغه سفر ځنډېدو خبره منلې خو لامل يې نه دی په ډاګه کړی. په پام کې وه ولسمشر غني له یوه پلاوي سره واشنګټن ته تللی وای، او له امریکايي مشرتابه سره یې د طالبانو او امریکا تر منځ د تړون پر سر د افغان حکومت اندېښنې شريکې کړې وې.

ننګرهار کې د ۴ وروڼو وژنه؛ ولسمشر غني د معصوم ستانکزي استعفا ومنله

په ننګرهار ولایت کې د څلورو ورونو له وژل کېدو وروسته افغان ولسمشر محمد اشرف غني دا پېښه غندلې او د ملي امینت د رییس محمد معصوم ستانکزي استعفا یې منلې ده. ولسمشر د دې پېښې د پلټولو امر هم کړی دی. دغه پېښه د دې ښار څلورمه ناحيه مجبوراباد سيمه کې شوې دي.

کابل کې د طالبانو موټربم برید ۱۰ ولسي وګړي وژلي

د افغانستان د کورنیو چارو وزارت وايي، د کابل ښار نهمې امنیتي حوزې اړوند شش درک سیمه کې د تونس په مټ موټربم برید شوی، چې په وینا لس ولسي وګړي یې وژلي او ۴۲ نور یې ټپیان کړي دي. د برید مسؤولیت طالبانو منلې او ادعا کوي چې د برید هدف یې بهرنیان وو.