دلته تل په سوله جنګ دی
له اولې ورځې غږ د سولې اورو
له اولې ورځې جنګ دلته روان دی
دلته ټول جګړه مار وايي
“ زه د سولې طرفدار یم”
“آزادي مې لوی ارمان دی
دا وطن زما ایمان دی”
خو مونږ ګورو مونږه وینو
وطن لوټ شو وطن وران دی
آزادي په خوب کې وینو
دا اوس هسې یو ارمان دی
او د سولې نېکمرغۍ سپینه کوتره
د عنقا مارغه په شان شوه
چې د سولې په نوم راشي
نو لوی جنګ ځان سره راوړي
سوله ساتي، په جنګي ابزارو دلته
ټول روان دي په غلطو لارو دلته
دوه قدمه شاته اخلي
که ځي یو قدم په وړاندې
څوک چې سوله ساتل غواړي
په جنګي ابزارو باندې
مونږ له سولې او له جنګه
زیاتې یو شانتې یریږو
هر افغان په وینو رنګ دی
دلته تل په سوله جنګ دی
نصرت الهام
21.09.2011
- نصرت الهام
انټرنيټ كنټرولېداى شي
په انټرنيټ كې چې څومره د بيان آزادي زياته وي هغومره پكې د پرليكه بدنامولو امكان زيات وي، ځکه خو په انټرنیټي خپرونو کې تعادل ساتل اړین دي.
دغه تعادل ویبپاڼې او خپرنیزې شبکې په اسانه ساتلی شي، دوی کولای شي چې مطالب سره بیل کړي او وړ انتخاب وکړي، چې هم د بیان آزادي زیانمنه نه شي او هم د پرلیکه بدناملو مخنیوی وشي.
د يوه كس ارزښت او ټولنيزه پراخه د بيان آزادي په پام كې نيول دواړه ارزښتمن دي...
23.11.2011
- نصرت الهام
تورخمڅومره چې د تورخم دروازې ته نیږدې کېدم، همغومره مې تشویش ډېرېده، که څه هم چې پېښور ته د تګ قانوني اسناد مې درلودل، خو بیا هم د بې عزته پولیسو او ملېشو څخه په خپل عزت یرېدم.په تېزو قدمونو مې پښه له دروازې هاخوا واړوله، ګړندی ګړندی روان وم، غوږ غوږ وم او وېره مې درلوده چې اوس راباندې کوم ملېشه پولیس غږ و نه کړي (ماجره دېخوا).په همدې کش مکش کې وم چې یو له قده ټیټ خاصه دار راوړاندې شو، لاس یې او...
