غزل
مین د یار په وعده خوب وړی دی
لکه د شېخ په سجده خوب وړی دی
دا شوګیرو وهلی ستړی، ستړی
د چا د زلفو په شپه خوب وړی دی
دښمن یې سمه کړه چاړه پر مرۍ
پښتون لا هسې نېشه خوب وړی دی
ډیوه د اوښکو بله پاتې شوله
هغه ویده شو، هغه خوب وړی دی
الهام به بیا غزل په خوب کې لیکي
الهام مې بیا په سینه خوب وړی دی
نصرت الهام
10.02.2011
- نصرت الهام
غزل
ماښام نیږدې شو او لمر غورځیږي
زما اوږې نه، دې سر غورځیږي
که لر غورځیږي که بر غورځیږي
بم مو د زړونو په سر غورځیږي
چې په تا راشي پیریان د مینې
په ما یې دلته اثر غورځیږي
ریباره ستا خو له سترګو ځار شم
د یار په مخ دې نظر غورځیږي
ته پام کوه پرې چې ژوبل نشي
زړه مې ستا پښو کې اکثر غورځیږي
د غم شراب دې بلا اصیل دي
نور مې له ګوتو ساغر غورځیږي...
21.09.2011
- نصرت الهام
انټرنيټ كنټرولېداى شي
په انټرنيټ كې چې څومره د بيان آزادي زياته وي هغومره پكې د پرليكه بدنامولو امكان زيات وي، ځکه خو په انټرنیټي خپرونو کې تعادل ساتل اړین دي.
دغه تعادل ویبپاڼې او خپرنیزې شبکې په اسانه ساتلی شي، دوی کولای شي چې مطالب سره بیل کړي او وړ انتخاب وکړي، چې هم د بیان آزادي زیانمنه نه شي او هم د پرلیکه بدناملو مخنیوی وشي.
د يوه كس ارزښت او ټولنيزه پراخه د بيان آزادي په پام كې نيول دواړه ارزښتمن دي...
