د بلګېټس زوم
پلار - زړه مې غواړي پخپله خوښه جلۍ درته وکړم .
زوی - نه، زه غواړم چې پخپله خوښه ځان ته د ژوند ملګرې انتخاب کړم .
پلار - خو ما چې څوک درته غوره کړې، هغه د بلګېټس لور ده .
زوی - ښه، که داسې وي نو بيا خو سمه ده .
پلار يې بلګټس ته ورځي او ورته وايي :
- ښاغليه ! د لور د راتلونکي په اړه دې څه فکر کړی ؟
بلګټس- هغې ته لا وخت شته .
پلار - خو ګوره ! ځنډ مه کوه، ما داسې يو ځوان ورته ليدلی چې د نړيوال بانک لومړی مرستيال دی .
بلګټس - رښتيا ؟ نو زه هم د همداسې ځوان په لټه کې يم .
بالاخره پلار يې د نړيوال بانک مشر ته ورځي :
پلار – د لومړۍ مرستيالۍ لپاره مې يو بااستعداده ځوان درته پېدا کړی .
مشر – مګر ما بل څوک په نظر کې نيولی .
پلار - خوښه دې، خو دغه ځوان د بلګېټس زوم دی .
مشر – ښه، نو سر له سبا يې راوله .
او په دې توګه معامله تر سره شوه .
ژباړن - شوکت يعقوبي
