غزل
نصرت الله الهام
پرته له دې به څه ژوندی وي سړی
مينه دې وکړي که سړی وی سړی
بې اوښکوسترګې دې ړندې شی ، ړندې
بې له يادونو لېونی وی سړی
سړی ، يواځې به خپل غم کې نه وي
ځکه ، له خپل ځانه پردی وي سړی
د چا دښمن ، دچا رقيب نه وی
د چا جانان دچا زړګی وي سړی
دا جينکۍ ورباندې ښې لګېږي
الهامه ! کله چې زلمی وي سړی
17.01.2008
- نصرت الهام
غزل
دا زۀ چې ګرځمه هر خوا ګورم
جانانه تا لټوم تا ګورم
چې سترګې وغوړوم هيڅ نه وينم
چې سترګې پټې کړم دنيا ګورم
ديار له کلي چې ستنېږمه نو
په مخکې ځمه او په شاه ګورم
د انتها له پولې بېرته ځمه
او هغه خپله ابتدا ګورم
...
22.01.2008
- نصرت الهام
ددې غزلونو شاعران څوک دي ؟
>>>>>>>>>>>>>>>>>>>>>>>>
زړګيه ! صبر شه زۀ نه ورځم کوڅې پورې رنګ ، رنګ خبرې به بيا کېږي په هغې پورې پېغلې ته وايه ، چې لږ خيال د لوپټې ساتي ريښه يې رسي چې د پلار نيکه شملې پورې سترګې مې وشرمېږي ودرېږمه بېرته راشم لاړمه راغلمه څو ، څو ځلې کعبې پورې چا درته وې ، چې ځه ګرجې او بُتکدې سېځهاوس ملا راغلو هغه اوس ستا مُسلې پورې واعظ...
