غــــــزل
نصرت الله الهام
پسرلى راغى باران ورسره نشته
الهام څه کوم چې ځان ورسره نشته
مين نه دى چې د اوښکو په لار نه ځي
ژوندى نه دى چې ارمان ورسره نشته
چې انسان وي انسانيت ورسره نه وي
مسلمان نه دى ايمان ورسره نشته
امريکه د امريکې سره راغلې
رنگ د گران افغانستان ورسره نشته
ښکلي ډېر دي د دنيا په دايره کې
ستا په رنګ او ستا په شان ورسره نشته
دا الهام به نو د چا تصوير کې ورک شي
لېونى دى بيابان ورسره نشته
نصرت الها م --- کابل
٢٠٠٨--١--١٢
10.01.2008
- نصرت الهام
غــــــزل
شاه سعود سعود
ما نه مه جوړوه ما تر امتحانه
هسې نه چې خيانت شمه له ځانه
هم د خاورو نه جوړيږي رڼاګانې
هم د ځمکې سلسله ده تر اسمانه
ګمنامي به مې د مخ نماېنده کړي
څوک به راشي بی نموده بی نشانه
خاموشۍ سره وجود له منځه نه ځي
ګل هم دغه شانتې ښه دی بی زبانه
بیړه مه کوه منزل د ټولو یو دی
صبر وکړه قافله ده راروانه
...
15.01.2008
- نصرت الهام
محمد عيسى جانان ، تکړه ممثل شاعر او ليکوال
محمد عيسى جانان ، د کابل ولايت د ده سبز ولسوالۍ دى ، د کابل د پولى تخنيک نه يې د دپلوم انجنرۍ سندر اخيستى دى .يو تکره اکټر او اداکار دى ، د خپل مسلک انجرۍ د کارونو تر څنګ په خپلو هنري کا رونو بوخت دى . د کونډۍ زوى ډرامه چې په شادګل مشهوره ده په هغې ډرامه کې هم کله چې شادګل يو هوټل ته ننوځي نموړي پکې د هوټلي د شاګرد رول لري . (( چې د ماما اوزه دې ده زما په سر يې و...
