له کومې ورځې چې پر تا مين يم
فرهاد هلمند له اردو نه ژباړه
زما هرڅه سره کرکه !
زه له هرڅه سره وران
له هرڅه سره ډغرې
زه يو دغسې انسان
زه هرچا يم زورولى
زه هر چا يم ژړولى
زما ټولې رنا ګانې
مانه ولوټلې ټولو
د تيارې په غېږ کې پروت يم
د ايرې په غېږ کې پروت يم
ټوله کرکه ده نفرت دى
ورک له هرچا محبت دى
زما دټولې زمانې سره اوس
او ددې هرې آينې سره اوس
د کرکې حد نشته دى
خو ستا له سترګو نه ځار
له کومې ورځې چې پر تا مين يم
اوس زه په دې ټولې دنيا مين يم
دا نړۍ ټوله ستا له سترګو نه ځار
