شهزاده شيرين زوى
په دوه لاسو جوړېږي نه،څلور لاسونه نه شته
د وران کاله له ستر سره ورور لاسونه نه شته
يوازې ژوبل،ژوبل امېدونه يې ملاتړ دي
زما د ارمانونو تر شاه نور لاسونه نه شته
د خداى د مرستې وړانګې،وړانګې لاس په ايښى
د تکې تورې ورېځې پرې تک تور لاسونه نه شته
بې درد چې يې په څېرې ګرېوانه پورې موسکى
يتيم ويل زما د ګرانې مور لاسونه نه شته
د نورو په لمسون يې ورانېدو ته بلا ډېر دي
له نورو نه چې وژغوري خپل کور لاسونه نه شته
بدلون ترې د بمونو او توپونو په لور پرې دي
زمونږ د ځينو ګلو چې سمسور لاسونه نه شته
شتمنه(ج) ما ځولۍ د امېد ستا در ته نيولې
شتمنه د امېد مې ستا په لور لاسونه نه شته
ضمير ما شيرين زوى ته وايي سپينه وينا ليکه
الله(ج)خو شته که تا سره د زور لاسونه نه شته
