اوس خو په چينه کې ګلاب نه راځي
ستا له خوا جانانه جواب نه راځي
سم لکه ګلاب ځوانۍ په اور سوځي
څنګ به، پر دې کلي عذاب نه راځي
اوس د خداى و کور ته خلک بم ور وړي
اوس د خداى له کوره کتاب نه راځي
ستا په لاس ازار زړګي ته نه ګورې؟
اې له دې لمانځه څه ثواب نه راځي
څه وشول؟ خوږې ميوې ترخې لګي
څه وشول؟ چې کيف له رباب نه راځي
۰۱/ ۰۹/ ۲۰۱۰
حکمت سروش
08.07.2010
- sorosh
غزل- حکمت سروش
يا د زړګي، يا د ځيګر درد دى
ستا په خاطر به وي، که هر درد دى
زه مسافر يم، خو يوازې نه يم
زما د لارې، همسفر درد دى
ما وېل ژوند تېر به شي، خو نه تېريږي
ستا د بېلتون خو، لکه غر درد دى
پر يو بدن دى ،که د هر غړي دى
که د زابل، که د خيبر درد دى
سروشه! نور، له دې نه لاس واخله
محبت هسې، بس د سر د...
20.02.2011
- sorosh
پر دېوال و راځوړند ساعت ته ګورم
کوچنۍ ستنه له يوه څخه اوښتې
شپه ژورې خاموشۍ غېږ کې اخيستې
بس يوازې له ساعته ټک- ټک خيژي
کله کله په تېزۍ يو ګاډى تېر شي
د کوټې تر کړکۍ تېزه رڼا راشي
ورپسې د کوڅې ټول سپي په غپا شي
---
پر دېوال و راځوړند ساعت ته ګورم
کوچنۍ ستنه اوس له دوو...
