ستا هره خندا کنه
وژني مې اشنا کنه
ستا د لېونۍ مينې
نشته انتها کنه
شپه ډېره اوږده شوله
خداې دې کړي رڼا کنه
ټوکې نه دي عشق کول
ژاړي په ژړا کنه
ګرانې د ژوند لارې دي
سا دې شي بې سا کنه
بيا دې غلي وخندل
بيا دې وکړه غلا کنه
بيا به نوى لوظ کړې
بيا به وې چې بيا کنه
خوله که، را له ،را نه کړې
جام خو ،را له، را کنه
تا چې وې چې، ستا يمه
خداى دې کړه زما کنه
غلي به نغمې نه کړم
وايي دې ملا کنه
لاړ شي ترې بس يو سړى
ورانه شي دنيا کنه
شمېر کړم په پوهانو کې
خپلې لېونتيا کنه
يه امجده! ستا غزل
واه کنه، وا_وا کنه
10.04.2008
- sorosh
زېږېدنه: ١٨٨١مړينه: ١٩٧٣د نوې نړۍ تر ټولو لوى انځور ګر او د بربنډې انځورګرۍ بنسټ اېښودونکى پيکاسو د هسپانيې په ملاګا ښار کې زېږېدلى دى. ځواني يې په بارسلونا کې تېره شوې، او هلته د هنرونو په اکاډمۍ کې پروفيسر و.پيکاسو په ١٨٩٦ کې په اکاډمۍکې داخل شو، او له خپل پلار څخه يې د انځورګرۍ بنسټيز اصول زده کړل. په دې بل کال ميډرډ ته ولاړى،او په ١٩٠٣ کال يې فرانسې ته سفر وکړ ، هلته نوموړي د (شين پړاو) انځورګرۍ پيل کړې. دې پړاو ته ځکه شين وايي چې پيکاسو په کې د مايوسو...
07.04.2008
- sorosh
د رنګ درنو لوستونکو! ستاسو د لا خوښۍ لپاره مو، د (جينکيو خبرې) يوه بله لړۍ هم پېل کړه، چې په کې به د پښتنو خويند خبرې، شعرونه، ليکنې او تصويرونه خپريږي. هيله ده په دې برخه کې مو تاسو هم ملا وتړئ، د دې لړۍ په پيل کې د يوې ځوانې شاعرې او ژورناليستې مرکه درته وړاندې کوو، چې څه موده وړاندې مو د ښکلا مجلې لپاره کړې وه، که چيرې مو هلته نه وي لوستې، دلته يې ولولئ!
په ډېره مينهسروش
۱_ خاطره جانې كه په پيل كې د ښ...
