نسيمه دسحر : روضې ته دسرور
چې ځې سلام مې وايه په نبي خيرالبشر
نسيمه دسحر
ورځې چې مدينې ته : دګران حبيب روضې ته
بيان مې خدای دپاره كړه دخوږ زړګي حالونه
كوم درته سوالونه
په ډيرزيات احترام : بيان كړه دكلام
درغواړه مې خپل ځان ته كړم هجران دكوركر
نسيمه دسحر
په ډيرزارۍ منت : كړم سوال دشفاعت
اخته په ګناهونويم له ژونده نور بيزاريم
دمرګ په انتظاريم
اخته په ګناهويم : په رنګارنګ غمويم
ای ختم المرسلينه په ماوكړه لږ نظر
نسيمه دسحر
بې حده ګنهګاريم : دعفوې طلبګاريم
دصبرانتهاده نورمې ختمه حوصله ده
بس دامې فيصله ده
مولا ته كوم سوال : چې خلاص شوم له جنجال
واصل چې دروضې شم دنبي نورالبصر
نسيمه دسحر
دشنې روضې وخواته : كړه سوال غني مولا ته
دعفوې طلبګاريم زماډيردي ګناهونه
بيان مې كړه حالونه
درود سلام آقاته : نبي خيرالوری ته
اندړ دې ديدن غواړم دښايسته ښكلي بشر
نسيمه دسحر
