دکواټ  په تاريخي ښار کې گڼ شمير مذهبي(ديني) شخصيتونه  دفن شوي دي چې دهغه  له جملې څخه  يو هم د حاجي بهادر بابا شخصيت دى نوموړى يو ديني عالم ، دتصوف  لارښوونکى ،د مدرسې مدرس ،دشرک بدعت او نورو خورافاتو سخت دښمن تېر شوي دى خپل اصلى نوم يې حضرت سيد عبدالله چې په حاجي بهادر کواټي باندې مشهور دى دپيدايښت نيټه يې دقمري کال له مخې نهه سوه څلور اتيايم يا نهه سوه اته اتيايم ښودل شوې ده خو د ائينه تصوف نومي کتاب د يوسل شپيتم مخ کې د پيدايښت نيټه درجب المرجب  شاړسم نهه سوه يو نهه اتيا قمري کال ددوشنبې (پير) ورځ دماښام له لمونځ څخه وړاندې ښودل شويده د وفات نيټه يې ١٠٧٧ قمري کال يا ١٩٧٨ قمري کال ښودل شويدى خو بيا دا ائينه تصوف نومي کتاب ٦١٠ مخ کې شپږم درجب المرجب دجمعې ورځ ١٠٩٩ قمرى کال دصبح صادق (گيځ) مهال ښودل شوى دى د پلار نوم يې سلطان مير سرور ؤ د تصوف په طريقو کې دنقشبنديه پيرو دسوات ، بونير ، اټک ، ميانوالي ، لاهور ، ډهيلى ، هنگو ، تيراه ، کرمې  تر افغانستان پورې او بنو وزيرستان او خوست پورې يې سفرونه کړي او ان  چې په لار کې وفات شوى دى په يوه زمانه کې د کواټ په سيمه کې ډيرې بدۍ او غلط کارونه را پيدا شوى وو چې دهغې له  جملې څخه دعلماو کرامو قتل او وژنه جايز عمل گڼل ، طلاق ناجايز گڼل ، لواطت عام کار گرځيدل دساداتو او سيدانو بې احترامي ښه کار گڼل او داسې ورته کارونو اوريدل ديو باطل مذهب دبنياد(بنسټ)  په ډول عام رواج شوى ووحضرت بهادر بابا ددې کرغيړنه او د غير شرعي کارونو خلاف مبارزه پيل کړه او د پرله پسې (مسلسل)جهاد لاره يې ونيوله او تر دې پورې پاکه او سپيڅلې مبارزه يې وکړه  چې په دې لاره کې وفات هم شو  دعلماو سو(بدوعالمانو) سره يې هم ډيرې زياتې مناظرې کړي چې ديوې مثال به يې لوستونکو ته وړاندې کړو د حسن ابدال په مقام کې يوه ورځ يې گڼو علماو سره مناظره پيل شوه  په دغه وخت کې د وخت بادشاه او رنگزيب هم ناست و  نور ډير عام خلک هم ناست وو خو د ټولو په وړاندې يې دعلماو څخه په ښه او غوره وييلو سره مناظره وگټله کله چې اورنگزيب ته دحاجي بهادر بابا علميت څرگند شو نو په وزير اباد ، گجرانواله ، پېښور او کواټ کې زرعي(کرنې )  ځمکه دجاگيرپه ډول وکړه اود هغې ماليه يې ورته وبښله د١٨٥٧کال د ازادۍ په جنگ کې اولاد ډيره برخه اخيستې ده د حاجي بهادر کواټي بابا مور ډيره پاک دامنه (پاکلمنې) اودينداره ښځه وه اوکورنۍ يې هم همدا ډول دينداره شمېرل  کېده خپل ځوى يې به يې تل ددين علم ته هڅولو اولارښونه به يې ورته کوله ددين علم دزده کړې   دپاره ډير کوښښ وکړي نو په همدې اساس ډيرو ځايونو ته تللى  دوخت دتصوف د ډيرو مشرانو څخه يې فيض ترلاسه کړى  پر لومړي ځل د چشتيه، قادريه ، کبرويه ، سرورديه سلسې پورې تړلى ( منسلک)  ؤ په ١٠٥٣ قمري کال د حضرت سيد ادم بنوري سره حج ته لاړ په دې سفر کې لومړى حاجي بهادر بابا (جامعه اسلاميه سلطان پور کپور تهله ) د هندوستان هېواد کې مشر مدرس و ډير طالبان يې روزولي دى حاجي بهادر بابا عبدالغني شامي چې دتاج او لياقت يې گټلى  ؤ څخه يې دخلافت خلعت يا پر بله وينا دخلافت  منصب ترلاسه کړو
ددې فيض ترلاسه کېدو وروسته بيرته پخواني هندوستان اوسني پاکستان ته راغى او مدرسې ته دتللو پر ځاى ىې کواټ غوره وباله او په کواټ کې يې ددين دتبليغ کار پيل کړ له  حاجي بهادر پنځه زامن پاتې وو محمد يوسف او محمد قاسم سکه ورونه د ددوى مور رقيه بي بي دحضرت عبدالقادر گيلاني داولاد څخه وه دريم ځوى يې حضرت محمد عمر وه چې قبر يې په لاهور کې دى ددغه  ځوى دکورنۍ يوه څانگه  کواټ ته راغله او همدغلته اباده شوه دويمه څانگه  يې له لاهور څخه  ډيلي او له هغه ځاى  څخه  هندوستان د  ټونک  ته لاړه او هلته اباده شوه دهندوستان دويش په وخت پاکستان جوړ شو نو بيا دغه څانگې ديوې قبيلې بڼه غوره کړه  او په کراچۍ کې اباده شوه اوپه کراچۍ کې يې ژوند غوره کړو څلورم ځوى ىې محمد عثمان چې ټول اولاد يې په خوست کې اوسيږي د افغانستان په اوسني جهاد کې ددې څانگې يوڅو غړي د مهاجرينو په ډول پاکستان ته مهاجر شول ددغه قوم هر غړي  ته په افغانستان کې خلک  دعزت او احترام پر سترگه گوري په اوسني وخت کې هم په سيمه کې په مذهبي او ديني کارونو بوخت دي ددغه قوم هر غړى  ځان سره بهادري ليکي او  ټول په افغانستان کې اوسيږي پنځم ځوى يې  شيخ محمد يعقوب نوميږي چې دبډا بابا يعنى ستر يا لوى  بابا لقب يې گټلى دى داسې معلوميږي دده څه کورنۍ دهزارې ضلعې په  کاغان کې اوسيږي خو په پاى  کې دومره ويل کيږي چې دڅلورو واړو زامنو کورنۍ يې په کوهاټ کې  ژوند کوي  ديو ځوى څخه پرته چې هغه کورنۍ ټوله  دافغانستان په خوست  کې ژوند تيروي خو يو څه يې په هنگو ، تيراه ، کرمې ،نرياب ، پېښور ، پينډۍ ، مدراس کې هم شته دي دحاجي بهادر بابا قبر اوس په کوهاټ مين بازار کې  دى د زرگرانو کوڅه ورته نيغه ورغلې ده د (بهادر بابا)  په نوم يو لوى او ستر مسجد کې يوه جلا احاطه(سيمه ) کې مزار  دى هره ورځ او په ځانگړې ډول د پنجشنبې(زيارت )  په ورځ په کې زيارت کوونکي ډير زيات وي يوه خبره چې ډيره ضرورى ده هغه دا چې دبابا په خپل لاس يو ليکلى قلمي قران پاک په شيشه کې بند دى او دخلکو نظرونه ځان ته راکشوي کومې پاڼې چې په شيشه کې غوړيدلې دي نو د مريم سورت پيل دى چې په تور ليک ليکل شوى دصفحو او ايتونو شمار يې نشته خو علامې شته دى بله خبره داده چې په همدغه مسجد کې يوه لويه ستره مدرسه هم شته چې نوم يې (مدرسه مرکزي دارلقراء بهادريه)  دى دمدرسې دپخواني مهتمم اوبنسټ وال نوم ىې گلفام شاه  فارغ التحصيل المدرس ملتان  وه  يعنې د ملتان د مدارس له مدرسې څخه فارغ شوى دى  .خو اوس نوموړى مړ شوى اوسنى مهتمم يې سيد عابد حسين شاه دی. په لسگونه طالبان په کې په ديني زده کړه بوخت دى ، ښوونکي هم لري   بله دا چې په همدغه زيارت کې يوه  لويه لنگرخانه هم شته  چې زيارت کوونکي  او  منجاوران تر خوارک هم  کوي