اوس ګوره زړه کې مين مه شې
د چا کاله کې مين مه شې
تش په کاته کې مين مه شې
چې په واده کې مين مه شې
ځينو کړشپو به جوړ کړي وي ځانونه
++++++++
د زړه ارمان مې نور رالنډشو
دغه باران په کې لږ خنډ شو
له زړه مې لرې دغم پنډ شو
باران وريږي غولى ډنډ شو
جانان پينڅې پورته کوي ماله راځينه
+++++++++
زما زړګى ايره ايره شو
نظر مې وسوځېد لمبه شو
روح مې په ځان کې په لړزه شو
لاس دې لستوڼي کې ښکاره شو
لکه خامار چې خوله کې لال نيولى وينه
+++++++++
د بېلتانه په لاره مه شې
له يارانې اوزګاره مه شې
د بل سړي ريباره مه شې
چې يار لرې بې ياره مه شې
بې ياره انجونې لاس تر زنې ناستې دينه
+++++++
اوس يې ايله د ځوانۍ زور دى
زړه کې لمبه سترګو کې اور دى
د ازادۍ پر اسپه سور دى
زما جانان له رنګه تور دى
مور د شيدو پر ځاى لونګ ورکړي دينه
+++++++