دا ولې ته بې نوره بې نمکه راته ښکارې ؟
باور وکه تربوره ! بې نمکه راته ښکارې
جانانه ! چې له کومې ورځې نه راته راګورې
بې مينې ، بې شعوره بې نمکه راته ښکارې
که ټوله دنيا فتحه کړې بې ځايه اراده ده
چې مور شوه په تابوره بې نمکه راته ښکارې
که غم دى که خپګان دى خو رقيب خانداني دى
په ما مه کوه توره بې نمکه راته ښکارې
اشنا ويل ساحله ! خرابات کې لکه ګل يې
خو اوس چې شوې مجبوره بې نمکه راته ښکارې
05.12.2010
- احمد بختيارساحل
مونږ که سندره کړې مونږه که ټپه کړې ده مونږ په کې خامخا د خپل ژوندون کيسه کړې ده مونږ چې ښکلا ليدلې مونږه خاموشي کړې ده مونږه د هر سړي په هر ځاى کې پرده کړې ده مونږه چې کوم ځاى کې د سرو ګلونو کر کړى دى په هغه ځاى کې بيا پردو ښکلو دمه کړې ده زما د غټو غټو اوښکو دې پروا ونه کړه ما ژوند بايللى تا چې کله اشاره کړې ده ساحل د هر ښکلي مزاج ته رياضت کړى دى ساحل ته هر ښکلي قسم کړى بانه کړې ده...
16.12.2010
- احمد بختيارساحل
دا ښکلى داسې دى لکه سپرلى لکه ګلاب
خو ، ماته فقط دومره شي مسکى لکه ګلاب
قامت کې دې دلبره د قيامت علامې ښکاري
اخر به درته مړاوى شي سړى لکه ګلاب
چې مور مې دي د څه لپاره دا راته ويلي
را وغوړوه هرچاته تندى لکه ګلاب
چې نه يمه پاڼجنې وي چې راشمه غوړيږي
د مخ په دايره کې دې يوځاى لکه ګلاب
ساحله ! ته څه وايې چې دا ښکلي به څوک ښايي ؟
چې تل وايي په کلي کې يو دى لکه ګلاب...
