ښکلى يې ښکلى راپسې راځه
زړه يې منلى راپسې راځه
لکه پاللى مينه نه غواړمه
لکه ساتلى راپسې راځه
دانه وانه يې ټولوه راپسې
زړه مې شيندلى راپسې راځه
بيا به د ژوند په لارنه نه ودرېږي
مرګ مې ګنډلى راپسې راځه
نور به اغزي چېرې چېړل ونه کړي
ګل مې سېزلى راپسې راځه
ساحله ! چېرته به مې زړه پرېوځي
عشق مې ګوټلى راپسې راځه
١ _ ٨ _ ٢٠١٠ کليد راډيو
09.11.2010
- احمد بختيارساحل
د چا سترګې د چا زړه ورباندې سوځي اور چې بل وي پښتانه ورباندې سوځي ستا په سترګو کې دا څرنګه لمبې دي چې ور ګورمه باڼه ورباندې سوځي چې موزي کله له ښکلي سره ګورم خداى دې ووهي چې نه ورباندې سوځي ددې ښکلو عجيبه شانتې غړۍ دي چې ور وړاندې کړې چاړه ورباندې سوځي ددې خاورې د ساتلو هېڅوک نه شته ( ساحل ) ووژنئ چې ښه ورباندې سوځي
٢٠١٠ _ ١١ _ ٤
...
10.11.2010
- احمد بختيارساحل
بس خو چې چمبه لاسو کې ونيسي
زړونو ته لمبه لاسو کې ونيسي
نورو ته دمينې ترانې وايي
ماته سيپاره لاسوکې ونيسي
زه چې نيمه شپه غزل غزل شمه
څوک راته ډيوه لاسو کې ونيسي
ته چې راسره ګرځې اکثر ښکلي
اور اخلي آيينه لاسو کې ونيسي
ښکليه ! ستا (ساحل ) به اخر ستا په سر
ټوله ميخانه لاسو کې ونيسي...
