ګل په ګوتو کې اغزي په لاس کې مه وړه
ماته وايي ! چې زړګي په لاس کې مه وړه
اوس چې زړه دې رانه وويست لږ يې پرېږده !
خير دى داسې يې دستي په لاس کې مه وړه
له زړګي نه مې سرې وينې رابهيږي
مړه شې ، مړه شې سره بنګړي په لاس کې مه وړه
چې د خپلې مينې نښه دلته نه ږدې !
زموږ ژوند او پسرلي په لاس کې مه وړه
نه ، ساحله ! چې د ښکلو ناز دې نه زده !
بيا نو ته هم سپېلني په لاس کې مه وړه
06.11.2010
- احمد بختيارساحل
درنو ملګرو تاسو ټولو ته سلامونه اونېکې هيلې !
بايد چې له شېرزاد کاموال صيب څخه غرونه غرونه مننه وشي چې دومره ملګري سره راټول کړي دي او ټولو ته يې دا زمينه مساعده کړې ده ترڅو خپله شخصي او ذهني پانګه په داسې يو ځاى کې خوندي کړي چې هروخت يې بېرته د رااخستلو توان او اجازه لري واقعا د د کاموال صيب يو لوى خدمت دى او مونږ ته دې هم خداى تعالى دا توان راکړي چې هر کله او هر وخت دغې ځاى ته نوي او ښه مواد ور پورته کړو له تاسو ملګرو هم مننه او زه ستاسو يو نوى ملګرى احمد بختيار ساحل ....
07.11.2010
- احمد بختيارساحل
داڅو اوښکې دي ګرېوانه دادې تاسره يادګار ويدا مې درکړې له خپګانه دادې تاسره يادګار وي
څو سپېڅلي شهيدان مې درته پرېښودل په غېږ کېډک له ننګ افغانستانه دادې تاسره يادګار ويځي له زړه نه مې سرې وينې راشه خال ترې ځانته کېږدهزه چې مړ شومه جانانه دادې تاسره يادګار ويڅو ترخې خاطرې واخله پام چې څوک پرې خبر نه شيزړه مې تور دى له هر چانه دادې تاسره يادګار وي
څو غزلې څو سندرې خوار ( ساحل) درته ليکلي...
