غزل
11.02.2016 12:18چې غم يې وارخطا کړي ميکدو ته مخه وکړي
ساقي هم کله کله بيا سجدو ته مخه وکړي
تصوير دې په شبنم کې دهندارې په څير وينم
نظر دې شوخ په منډه بيا بڼو ته مخه وکړي
د حسن له غروره چې د ستورو سره ګرځي
د وخت په تقاضا به ليونو ته مخه وکړي
چې ژبه د سپرلي بيا په رڼا ورځې ګونګۍ شي
بلبله ليونۍ هم ترانو ته مخه وکړي
پرخه د ازغو سره هم شپې رڼې کولې شي
کينه چې کله ورشي بيا دعوو ته مخه وکړي
په شمع کې تاثير دی که احساس يې پاريدلی
بورا په خپله خوښه بيا لمبو ته مخه وکړي
ناروې اسلو