د لوی، مهربان او بخښونکي خدای په نامه

غزل ( ژاړم )

پوهنمل محمدوارث 03.12.2016 12:41

وايم رښتيا چې له وختونو ژاړم
ځان سره تل له نفرتونو ژاړم

تورتم کي ښه يم څراغ مه لګوه
چي ټوله شپه بيا له غمونو ژاړم

زمونږ قسمت کې خوشحالي چيرې ده
ژونده د ستا له کړاوونو ژاړم

له ويرې سترګې پټولی نه شم
بيا د خوبو له تعبيرونو ژاړم

لکه ائيني په څير زړه صاف ساتمه
ستا له ګيلو او له شکونو ژاړم

وائي ( وارث ) چې اوس ئې زغم نلرم
ځکه په زړه کې له دردونو ژاړم