د لوی، مهربان او بخښونکي خدای په نامه

د ځوان افغان کرکټ اکاډمۍ لوبډله نن د فلډ لایټ کرکټ سیالیو ته روانه شوه

کرکټ څانګه 26.08.2010 11:10

د ځوان افغان کرکټ اکاډمۍ لوبډله  نن د پنځه نۍ په ورځ د پاکستان د کراچې ښار ته روانه شوه،  د ملي لوبډلې ۹ لوبغاړي هم  ورسره د ډاکټر محمد اصغر علي شاه لیفون  کرکټ نایټ سیالیو کې ګډون کوي.

دغه سیالۍ په پاکستان کې د رمضان کپ په نامه هم یادیږي، د افغانستان لومړۍ لوبه د اګست په ۲۷ نېټه له پاک جم خانې کرکټ کلب، دوېمه په ۲۸ نېټه ملیر جم خاني کرکټ کلب او دریمه لوبه د اګست په ۲۹ نېټه د اډوانس ټیلې کوم کرکټ کلب  سره په کراچۍ ښار کې کوي.

د ځوان افغان کرکټ اکاډمۍ په دې سیالیو کې د ګډون لپاره ټوله مرسته د افغانستان کرکټ بوډ ورکړې او د اتصالاتو د مخابراتي شرکټ لخوا يې دغه لوبډله د دې سیالیو لپاره سپانسر شويې ده.

د اتصالات مخابراتی شرکت له پخوا څخه د افغانستان د کرکټ بورډ سره  په افغانستان کې د کرکټ د ودې او پرمختګ لپاره مالی مرستی کړي، په ننۍ غونډه کې چې د افغانستان په کرکټ بورډ کې د ځوان افغان کرکټ اکاډمۍ لپاره  د اتصالاتو او کرکټ بورډ لخوا جوړه شوي و د اتصالاتو مخابراتي شرکټ استازي او د همدې شرکت د رسنیو د څانګې مشر کفایت الله نبي خېل ژمنه وکړه چی په راتلونکی کی به هم اتصالات نه یواځی د کرکټ په برخه کی له خپلې مرستې ګړندۍ کړي.

د رمضان کپ د اګست په ۲۰ نېټه پېل شوی د افغانستان لوبې پکې د اګست په ۲۷، ۲۸ او ۲۹ نېټه تر سره کیږي.

د ځوان افغان کرکټ اکاډمۍ د کلب لوبې به د  اګست په ۲۷،۲۸ او ۲۹ د شپې په ۱۰ بجې  پېل کیږي او ټولې لوبې شل اوریزه لوبې دي.

د ځوان افغان کرکټ اکاډمۍ سره په دې سیالیو کې د اوسنۍ ملي لوبډلې ۹ لوبغاړي  او د ملي لوبډلې ۲ پخواني لوبغاړي هم لوبه کوي.

د ځوان افغان اکاډمۍ لخوا د رمضان کرکټ سیالیو ته غوره شويې لوبډله په لاندې ډول ده:

۱-  خالق داد نوري( کپتان)

۲- اصغر ستانکزی

۳- شهزاد محمدي

۴- محمد نبي

۵- شاپور ځدران

۶- حمید حسن

۷- جاوید احمدي

۸- عبدالله مزاري

۹- سمیع الله شینواری

۱۰- بادشا حسین

۱۱- خان محمد

۱۲- جمعه ګل

۱۳- شفیق الله

۱۴- ایمل هوتک

د ځوان افغان کرکټ اکاډمۍ لخوا د دې سیالیو لپاره غوره شوي ادري ډله:

شفیق الله عصمت ستانکزی ( د لوبډلې مدیر)

اسد الله خان ( د لوبډلې روزونکی)

حق داد نوري ( مرستیال روزونکی)

حمزه لامع ( د همدې سفر مشر )

کاظم بشیر( د  ځوان افغان د کرکټ د اکاډمۍ د ویب پاڼې مسؤل )

د ځوان کرکټ کرکټ اکاډمي په ۱۹۹۷ز کال کې جوړه شوي او په کورني کرکت کې یې په هیواد کې د کرکټ د پرمختګ لپاره ډېرې هلې ځلې کړي، د ځوان افغان کرکټ اکاډمۍ  کرکټ کلب په ګاونډیو هیوادونو کې د کلب کرکټ په کچه پخوا هم لوبیدلی، هندوستان، سریلینکا او پاکستان ته يې سفرونه کړي چې د افغانستان په استازيتوب د کلبونو په کچه ښه ځلیدلي کرکټ کلب دی. د ځوان کرکټ اکاډمۍ لوبډله د افغانستان کرکټ بورډ سره د کابل له ولایته راجستر شوي اکاډمي دي په افغانستان کې د کرکټ د ودې، پرمختګ او د کرکټ اړوندو چارو ټول مسؤلیتونه د افغانستان کرکټ بورډ په غاړه لري.

 د کرکټ مینوال کولای شي په لاندې رسنیو کې د  ځوان افغان کرکټ اکاډمۍ د دې سیالیو ژوندی حال تر لاسه کړي:

د جیو سوپر تلویزیون لخوا په ژوندۍ بڼه خپریږي.

شمشاد تلویزیون هم پتیلې چې د  ځوان افغان کرکټ اکاډمۍ د  لوبډلې حال په ژوندۍ بڼه د کرکټ مینوالو ته وړاندې کړي.

د ځوان افغان کرکټ اکاډمۍ د ویب پاڼې مسؤل هم هوډ کړی چې د کرکټ مینوالو ته نیغ په نیغه د  ځوان افغان  کرکټ اکاډومۍ لوبډلې د سیالیو تازه حال د خپل ویب پاڼې له لارې وړاندې کړي.

www.aycricket.com