'د افغان حکومت له ګډون پرته جوړې شوې غونډې سوله نشي راوستی'

په پاکستان کې د افغانستان لوی سفیر شکرالله عاطف مشعل له بي بي سي سره ځانګړې مرکه ویلي، د افغان حکومت له همغږۍ پرته - افغان سولې بهیر لپاره جوړې شوې غونډې دې بهیر ته هیڅ ګټې نشي رسولی. د ښاغلي مشعل په خبره د مسکو د بین الافغاني غونډه ددې یوه ښه بېلګه ده، چې دده په خبره ناکامه غونډه وه.

جلال آباد: د پاکستان کونسلګرۍ مخې ته ويزه اخیستونکی د بېروبار او ګرمۍ له امله ومړ

نن د پاکستان کونسلګرۍ مخې ته یو ويزه اخېستونکی د بېروبار او ګرمۍ له امله ساه ورکړه. په دې ولايت کې د پاکستان کونسلګرۍ هره ورځ سلګونه ويزې ويشي، خو د ويزې غوښتونکو شمېر له زرګونو اوړي.

کرېکټ نړیوال جام؛ بنګله دېش افغانستان ته د ۲۶۳ منډو هدف وټاکه

د کرېکټ نړیوال جام په سیالیو کې افغانستان نن (چنګاښ ۳) خپله اوومه لوبه له بنګله دیش سره کوي. پچه افغانستان وګټله او بنګله دیش ته یې د توپ وهنې بلنه ورکړه. افغان لوبډلې له دې وړاندې خپلې شپږ لوبې بایللې دي، خو په تېرو دوو لوبو کې افغانستان د انګلستان او هند پروړاندې بهتره لوبه کړې ده.

پر سعودي د حوثیانو برید کې یو کس وژل شوی او ۷ ټپیان دي

د سعودي په مشري د ټلوالې ځواکونو اعلان کړی چې د ابها په هوايي ډګر د حوثیانو برید کې یو کس وژل شوی او ۷ نور ټپيان شوي دي. د حوثیانو اړوند المسیرة خبري اژانس هم وړاندې ویلي و چې د حوثیانو اړوند بې پیلوټه الوتکې د سعودي په سویل کې د ابها او جازان هوايي ډګرونه په نښه کړي دي.

"پر ګوزڼ ضد واکسین د طالبانو بندیز د ماشومانو ژوند ګواښي"

په روان ۲۰۱۹ کال کې په افغانستان کې د ګوزڼ ۱۰ ناروغان ثبت شوي چې وروستي یې په اورزګان کې دي. د روغتیا وزارت خبرداری ورکړی چې که وسله وال طالبان د ګوزڼ ضد واکسین کمپاین ته اجازه ورنه کړي ښایي د دغې ناروغۍ پېښې ډېرې شي.

د لوګر نیمایي وګړو ته روغتیایي چوپړونه نشته

د لوګر مرکز پل علم کې د یوازیني دولتي روغتون ډاکټران وایي، له وړتیا او امکاناتو څو برابره زیات ناروغان ورځي چې دوی ورته مناسب چوپړونه نه شي وړاندې کولی. د لوګر مرکزي روغتون ۱۱۲ روغتیایي کارکوونکي لري چې یوازې ۱۰ هغه یې متخصصین دي.

امریکا 'د ایران سپاه د وسلو پر سیستم انټرنېټي برید پیل کړی'

امریکايي رسنۍ وايي دغه هېواد د ایراني وسلو پر سیستم وروسته تر هغه برید وکړ چې ولسمشر ټرمپ پر ایران د هوايي برید له هوډه پر شا شو. د نیویارک ټایمز ورځپاڼې په وینا، دا برید د ایران له خوا د امریکا بې پيلوټه الوتکې راغورځول او د تېلو د سمندري ټانکرو سوځولو غچ و چې امریکا یې پر ایران تاوانوي. ‌

ټرمپ: د جګړې په صورت کې به ایران 'له منځه لاړ شي'

د امریکا متحدو ایالتونو ولسمشر ډونلډ ټرمپ وايي، جګړه نه غواړي، خو نوموړي ایران ته خبرداری ورکړی چې د جګړې په صورت کې به له 'محو' کېدو سره مخامخ شي. نوموړی وايي، امریکایان خبرو ته چمتو ته دي، خو په خبره یې ایران ته به د اتومي وسلو چمتو کولو اجازه ور نه کړي.

کرېکټ نړیوال جام: هند افغانستان ته د ۲۲۵ منډو هدف وټاکه

د کرېکټ نړیوال جام سیالیو په ترڅ کې نن شنبه افغانستان له هند سره سیالي لري. پچه هند وګټله او توپ وهنه کوي. دا په روانو سیالیو کې د افغانستان شپږمه لوبه ده. افغانستان خپلې لومړۍ پنځه لوبې ټولې بایللې دي. هند تر دې دمه په دې سیالیو کې کومه لوبه نه ده بایللې. په افغان لوبډله کې نن دوه بدلونه راغلي

د ایران - امریکا ترینګلتیا؛ نړیوالو بازارونو کې د زرو او تېلو بیې ختلې

د ایران او امریکا ترمنځ د ترینګلتیا په ډېرېدو سره د نړۍ په مالي بازارونو کې د زرو بیه پاموړ ختلې، چې دا په تېرو شپږو کلونو کې تر ټولو لوړه کچه بلل کېږي. د زرو د بیې ختلو اصلي لامل د احتمالي پوځي اړدوړ رامنځ ته کېدو له کبله د خطر پېښېدل په ګوته شوي.

کابل پولیس: له خلکو مو د وسلو ټولول پیل کړي

د کابل پولیس وایي، دغه ښار کې له خلکو سره له اتیا زره میله ډېرې سپکې او نیمه درنې وسلې شته. د دوی په خبره، دې وسلو د پلازمېنې پر امنیت بد اغېز کړی او امنیتي ځواکونو یې ټولول پیل کړي دي. چارواکي وايي، په تېر کې مختلفو ادارو هم ځینې دا وسلې وېشلې دي.

د سولې خبرې؛ یو شمېر افغان سیاستوال سبا پاکستان کې غونډه کوي

په پام کې ده چې د افغانستان یو شمېر سیاسي مشران د سولې کنفرانس کې د ګډون لپاره پاکستان ته لاړ شي. پاکستاني رسنیو ویلي، د سولې دغه کنفرانس ته د پخواني افغان ولسمشر حامد کرزي په ګډون شاوخوا ۳۰ افغان مشران او سیاسي فعالان وربلل شوي دي.

د ایران پر اسمان د امریکا مسافر وړونکو الوتکو د تېرېدو بندیز

د امریکا هوايي چلن فدرالي ادارې په یوه بېړني فرمان کې د ایران، فارس خلیج او هرمز تنګي پر اسمان د امریکا د مسافر وړونکو الوتکو د نه تېرېدو امری کړی. دا ګام هرمز تنګي ته څېرمه د ایران له خوا د یوې امریکايي ډرون الوتکې تر ویشتلو او پوځي ترینګلتیا له ډېرېدو وروسته اخیستل شوی.

افغانستان: د ولسي تلفاتو ډېرېدو ته د ملګرو ملتونو اندېښنه

د افغانستان لپاره د ملګرو ملتونو ځانګړی استازی وايي، د سږ کال لومړیو دریو میاشتو ګې ۱۸۰۰ افغانانو ته مرګ ژوبله اوښتې. تادامیچي یا ماموتو وايي، دا مرګ ژوبله د تېر کال له ورته مودې کمه ده، خو پلټونکو عملیاتو کې د ولسي تلفاتو ډېرېدو ته اندېښمن دی.

ډونلډ ټرمپ وايي، 'ایران ډېره لویه تېروتنه کړې'

د امریکا متحدو ایالتونو ولسمشر ډونلډ ټرمپ وايي، هرمز تنګي د پاسه د امریکايي ډرون غورځولو سره 'ایران ډېره لویه تېروتنه کړې.' له دې مخکې ایرانۍ رسنیو د سپاه پاسداران ځواکونو په حواله وویل، ایران د امریکا یوه بې پیلوټه الوتکه د ایران حریم ته تر ننوتلو وروسته ویشتلې او غورځولې.