د دوحې بین الافغاني خبرو کې د سلام رحیمي له حضور سره د طالبانو مخالفت

په قطر کې د طالبانو استازو بي بي سي ته ویلي، قطر کې د بین الافغاني خبرو پلاوي کې د افغانستان د سولې په چارو کې د دولت د وزیر عبدالسلام رحیمي له حضور سره طالبانو مخالفت ښودلی. دا غونډه د جرمني او قطر په کوربتوب دوحه کې د دوو ورځو لپاره جوړېږي.

ټاکنیزو شکایتونو کمېسیون: ځینې نوماندان وارمخکې کمپاین کوي

د افغانستان ټاکنیزو شکایتونو کمېسیون د ولسمشرۍ ټاکنو لپاره له وخت مخکې کمپاینونو او د ملاتړې نوم لیکنې په بهیر کې په بې نظمي اندیښنه ښيي. کمیسیون وايي، دا وخت دوی په دې اړه د ور رسیدلو شکایتونو پر څیړلو او د ولسمشری هغو کاندیدانو ته د سپارښتنو پر لیږلو بوخت دي چې په بېلابېلو پلمو يي ټاکنیزې هڅې چټکې کړې.

ترکیې حکومت ته د افغان - ترک ښوونځیو چارو سپارل 'بشپړ شول'

د چارواکو په وینا، د دغو ښوونځیو مدیریتي چارو سپارلو په بهیر کې پولیسو هېڅ ډول تاوتریخوالي نه دی کړی، خو د افغان - ترک ښوونځي چارواکو بي بي سي ته ویلي، افغان امنیتي ځواکونه په زور ښوونځی ته ور ننوتلي او دوی یې هم په زور د ښوونځي له ودانۍ ایستلي دي.

شینجیانګ کې 'چارواکي مسلمان ماشومان له کورنیو بېلوي'

بي بي سي خبریالانو داسې ثبوتونه لیدلي چې د چین په لویدیځ شینجیانګ ایالت کې ځايي چارواکي له مسلمانو کورنیو د هغوی ماشومان په لوی لاس بېلوي او زرګونه ایغور مسلمان ماشومان په لیلیه لرونکو لویو ښوونځیو کې له کورنیو، خپلې ژبې او عقیدې جلا ساتل کېږي.

فاریاب کې توغنديو لګېدو ۴ کسان وژلي او ۳۶ ټپیان دي

د فاریاب ولایت چارواکي وایي چې ددې ولایت په خواجه سبزپوش ولسوالۍ مرکز کې څو هاوان توغندي لګېدلي چې له امله یې ۴۰ کسانو ته مرګ ژوبله اوښتې. د فاریاب د پولیسو ویاند کریم یورش د بي بي سي خبریال محفوظ ذبیدي ته ویلي، توغندي هغه وخت لګیدلي چې خلک د جمعه بازار لپاره ولسوالۍ مرکز ته ورټول شوي و.

د افغان خپلمنځي ناستې ګډون کوونکي: لومړی به له طالبانو سره د خبرو اجنډا ټاکو

د جرمني او قطر په نوښت د افغانانو د خپلمنځي ناستې ځینې ګډونوال وايي، له طالبانو سره لومړنۍ لیدنه کې د خبرو اجنډا ټاکي. له افغانستانه تلونکي پلاوي کې د حکومت او سولې شورا ځینې غړي هم شته، خو ویل کېږي چې ټول ګډونوال په فردی ډول بلل شوي دي.

کرېکټ نړیوال جام: ویسټ انډیز افغانستان ته د ۳۱۲ منډو هدف وټاکه

د کرېکټ په نړیوال جام سیالیو کې افغانستان نن 'پنجشنبه، جولای څلورمه' له ویسټ انډیز سره لوبه کوي. ویسټ انډیز پچه وګټله او د توپ وهنې پرېکړه یې وکړه. له دې وړاندې افغانستان خپلې ټولې لوبې بایللي دي، خو ویسټ انډیز بیا یوازې یوه لوبه ګټلې ده. دواړه لوبډلې بل پړاو ته لار نشي موندلی.

سهیل شاهین: 'خبرې اختلافونو نه، هر اړخیزو بحثونو اوږدې کړې'

په قطر کې د امریکا او طالبانو ترمنځ د اوم پړاو د پنځمې ورځې له خبرو وروسته - چې شپږمه ورځ هم دوام لري، د طالبانو د سیاسي دفتر غړي سهیل شاهین بي بي سي ته وویل، خبرې له درېیو ورځو ځکه اوږدې شوې، چې دواړه غاړې د هر اړخیزو بحثونو ژورو ته ننوتل.

د کرام الدین کریم مدافع وکیل غواړي د جنسي ځورونې دوسیه وتړل شي

د افغانستان فوټبال فدراسیون د پخواني مشر کرام الدین کریم مدافع وکیل د د پر وړاندې د جنسي ځورونې د دوسیې تړل غواړي. د هغه په خبره، فیفا په دې برخه کې یوازې دوه مخه سند لري چې د ده په خبره، کیسه پکې لیکل شوې.

کندهار کې د ۳۰ میګاواټه لمریزې برېښنا شبکه پرانیستل شوه

افغان ولسمشر محمد اشرف غني نن د کندهار په دامان ولسوالۍ کې د هېواد تر ټولو لویې د لمریزې برېښنا پروژې پرانیستلې. د افغانستان برېښنا ریاست وايي د سولر یو لمریزې برېښنا دغه دوه پروژې د ۳۰ میګاواټه لمریزې برېښنا د تولید ظرفیت لري

امریکا 'د پاکستان بلوڅ خپلواکۍ پوځ' ترهګره ډله وبلله

امریکا د یوه اعلان له مخې، د بلوڅ خپلواکۍ پوځ يا بي. اېل. اې په نامه ډله د پاکستان په بلوچستان او نورو سیمو کې د بریدونو له امله یوه ترهګره ډله اعلان کړې ده. امریکا د حزب الله د ٢٠٠ نمبر قطعې مشر حسين علي حظيمه هم د ترهگرو په نوملړ کې شامل کړی.

د دبۍ د امیر مېرمن لندن ته تښتېدلې او پټه شوې

د دوبۍ واکمن شیخ محمد المکتوم یوه مېرمن شهزادۍ هیا بنت الحسین وايي، له مېړه تښتېدلې او د وژل کېدو وېره لري. نوموړې په لندن کې پټ ژوند کوي. بل لور ته ۶۹ کلن میلیاردر شیخ محمد پر انسټاګرام پاڼه له غوسې ډک یو شعر خپور کړی چې پکې یې پر یوې نامعلومې ښځې د 'خیانت او بې وفايي' تور پورې کړی دی.

دوحه کې د "بین الافغاني دیالوګ" په اړه جزئیات په ډاګه شول

د افغانستان ولسمشرۍ ماڼۍ کې سرچینو بي بي سي ته ویلي، د روانې جولای میاشتې پر اوومه او تمه نېټه به په دوحه کې بین الافغاني دیالوک ترسره کېږي. سرچیني وایي، دا ناسته د افغان حکومت او طالبانو ترمنځ د سولې مذاکرات نه دي، او ګډون په انفرادي یا شخصي بڼه دی

د پاریس فېشن اوونۍ تاریخ کې لومړی افغان هنرمن

د دوشنبې پر وځ د جولای لومړۍ نېټه د پاریس د فېشن په اوونۍ کې په لومړي ځل د کالیو یو افغان د ‌‌‌‌‌‌ډېزاینر برخه واخیسته. نوید الیاس ځاځی په اصل کې د افغانستان دی او د ‌‌‌‌‌‌جامو د ‌‌‌‌‌‌ډېزاینو ټولګه یې د "ځاځی ډېزاین" په نامه نندارې ته وړاندې کړه.

کرېکټ: د افغانستان الف لوبډله د سیالیو لپاره بنګله دېش ته ولاړه

د افغانستان د کرېکټ الف لوبډله له بنګله دېش سره د ۲ څلور ورځنیو او ۵ یو ورځنیو لوبو لپاره نن دوشنبه بنګله دېش هېواد ته روانه شوه. د بنګله دېش پر وړاندې د الف لوبډلې لوبې د جولای میاشتې په پنځمه نيټه پيليږي. دواړه لوبډلې به ۲ څلور ورځنۍ او ۵ یو ورځنۍ لوبې کوي