ټرمپ د عراقي زنداني په وژنه تورن امریکایی سرتېری وبښلو

د امریکا متحدو ایالتونو ولسمشر ډونلډ ټرمپ هغه پخواني امریکایي سرتېري ته بشپړه بښنه کړې چې ۲۰۰۹ کال کې د امریکا توقیف کې د یوه عراقي سړي په وژنه تورن شوی و. لومړی بریدمن میکایل بیهینا ته د عراقي علي منصور وژني په تور د ۲۵ کاله زندان سزا ورکړل شوې وه.

فراه برید؛ د قربانیانو په اړه ضد و نقیض ادعاوې

یوې باوري سرچیني بي بي سي ته ویلي، د فراه ولایت بکوا ولسوالۍ کې د بهرنیو ځاکونو هوایي برید کې ګڼ شمېر طالبان وژل شوي او د نشه یي توکو د پروسس فابریکې له منځه وړل شوي. خو طالبان بیا ادعا کوي چې په دې برید کې لسګونه ولسي وګړي وژل شوي دي.

خلیلزاد د سولې پرمختګ په اړه هندي چارواکو سره خبرې کړي

د افغان سولې لپاره د امریکا ځانګړي استازي زلمي خلیلزاد هند او ددغه هېواد چارواکو ته له طالبانو سره په روانو خبرو کې د شوي پرمختګ په اړه معلومات ورکړي. د هند د بهرنیو چارو وزارت ویاند وايي دواړو چارواکو د افغانستان په مساله کې د سیمه ییزه اړخونو د رول په اړه خبرې کړي دي.

علي وزیر: د پاکستان حکومت زما د نیولو لپاره پلمې لټوي

د پښتون ژغورنې غورځنګ مشر او د پاکستان په قامي اسمبلۍ کې د سویلي وزیرستان استازی علي وزیر وایي، د پاکستان حکومت د ده نیولو لپاره هسې پلمه غواړي او دسیسې ورته جوړوې. نوموړي بي بي سي ته وویل، دا لومړی ځل نه دی چې د پاکستان ریاست د ده پر ضد ناسم تبلیغات کوي

چین د ۴۰۰ افغان ماشومانو د سوريو زړونو درملنه کوي

د چین د سره صلیب کمیټې ژمنه کړې چې د ۴۰۰ هغو افغان ماشومانو درملنه به کوي چې زړونه یې سوري دي. چین تېر کال هم په همدې ناروغۍ د اخته ۱۰۰ افغان ماشومان درملنه کړې ده.

امریکا: د الوتک وړونکې بېړۍ استول ایران ته ښکاره پیغام دی

د امریکا د ملي امنیت سلاکار وايي، هېواد یې د ایران د اندېښمنوونکي چلن په غبرګون کې د سنټکام په څارنه د اېو اېس اېس ابراهم لېنکلن الوتک وړونکې بېړۍ او یو شمېر بم غورځوونکې سیمه کې ځای په ځای کوي. جان بولټن زیاتوی، دا ګام ایران ته ښکاره پیغام دی، چې که د امریکا په ګټو یا د دغه هېواد پر ملګرو هر ډول برید وکړي، له بې رحمه ځواک سره به مخ شي.

د افغانستان د ټاکنو کمیسیون پخوانی مشر په زندان محکوم شو

د افغانستان د ټاکنو د خپلواک کمیسیون پخوانی مشر او د هرات پخوانی والي احمد یوسف نورستانی د درنو جرمونو پر وړاندې د مبارزې د څارنوالۍ له خوا په ۱۳ میاشتې زندان محکوم او د یو میلیون افغانیو جریمه ورته وټاکل شوه.

بغلان: پر امنیه قومندانۍ برید کې ۵۰ کسانو ته مرګژوبله اوښتې

د افغانستان شمال بغلان ولایت د عامې روغتیا ریاست وايي چې تر دې مهاله د دوی معلومات ښيي چې ۴۸ کسان په برید کې ټپیان شوي او پنځه وژل شوي دي. په سیمه کې یوه عیني بي بي سي ته ویلي، لومړی د دې ولایت پر امنیه قومنانۍ چاودنه وشوه.

د قطر خبرې؛ لانجه اواره شوې پلاوي پر شپږو موضوعاتو خبرې کوي

په قطر کې افغان طالبانو ته یوې نژدې سرچینې بي بي سي ته ویلي، چې د دوی او امریکا تر منځ د سولې د خبرو اترو په روان شپږم پړاو کې راپورته شوې لانجه اوس اواره شوې او ټاکل شوې، نن دواړه خواوې د څلورمې ورځې لپاره مخامخ سره خبرو ته کېني.

خلیلزاد: د سولې لپاره وسله باید پر ځمکه کېښودل شي

د افغانستان سولې بهیر لپاره د امریکا ځانګړي استازی زلمي خلیلزاد وايي، د سولې لپاره باید ټول لوري خپلې وسلې پر ځمکه کېږدي. نوموړي په یوه ټویټر پیغام کې ویلي، 'د سولې هر بریالي بهیر لپاره باید ټول لوري وسله پر ځمکه کېږدي. دغه څرګندونې داسې مهال کېږي چې دوحه کې د امریکايي استازو او طالبانو تر منځ د سولې خبرې بیا پیل شوې

افغان چارواکي: کونړ کې د بهرنیانو په ګډون ۴۳ داعشیان وژل شوي

د افغانستان دفاع وزارت وايي، د کونړ په چپه دره کې یې د داعش مرکز بمبار کړی، چې له امله یې د بهرنیو وسلوالو په ګډون ۴۳ کسان وژل شوي دي. د کونړ ځايي چارواکي هم وايي، چې دې بریدونو کې پاکستاني، ازبکستاني، تاجکستاني او چیچنیايي وسلوال وژل شوي دي.

بنګله دېش: داعشۍ ناوې به دلته اعدام شي

د بنګله دېش د بهرنیو چارو وزیر وايي، برتانوۍ نجلۍ شمیمه بېګم چې د داعش په ناوې مشهوره ده، بنګله دېش ته لېږلو سره به د اعدام حکم ته منتظره وي. د نوموړي په خبره، دا ښځه به خپل اصلي ټاټوبي ته رسېدو سره د ترهګرۍ په جرم محاکمه شي.

مشورتي لویه جرګه؛ د طالب بندیانو خوشي کول او د اوربند وړاندیز

په کابل کې د سولې مشورتي لویې جرګې پرېکړه لیک کې د جګړې له دواړو غاړو د سم لاسي اوربند او د بندیانو د تبادلې او خلاصون غوښتنه وشوه. افغان ولسمشر جرګې ته په وینا کې د ۱۷۵ طالب بندیانو په خوشي کولو سربېره، له طالبانو د دوه اړخیز اوربند غوښتنه هم وکړه.

افغان لوبډله د کرېکټ نړیوال جام سیالیو ته روانه شوه

د افغانستان د کرېکټ ملي لوبډله نن د جمعې پر ورځ د مې پر درېیمه نېټه د نړیوال جام سیالو کې د ګډون لپاره له کابله برتانیا ته روانه شوه. د نړیوال جام سیالۍ به د مې له ۳۰ نېټې نه په انګلستان او وېلز هېوادونو کې پیلېږي.

خلیلزاد: طالبانو ته مې د تاوتریخوالي ختمولو وویل

د افغان سولې لپاره د امريکا استازى زلمى خليلزاد وايي د سولې خبرو په تازه پيل شوي پړاو کې يې طالبانو ته په ټينگه د تاوتريخوالي د درولو ويلي. د طالب استازو او امريکايي پلاوي ترمنځ د سولې د خبرو شپږم پړاو وړمه ورځ په دوحه کې پيل شو.