سوریه کې هوايي بریدونو ۳۱ کسان وژلي

مرسته کوونکي او ټولنیز فعالان وايي چې د سوریې په شمالي برخه کې پر یو بازار هوايي برید ۳۱ کسان وژلي دي. دا سیمه د حکومت د وسله والو مخالفینو په ولکه کې ده. دوی وايي د ادلب په سویل معرة النعمان ښار کې جنګي الوتکو بمباریو کې لږ تر لږه پنځوس کسان ټپیان شوي دي او پراخه ویجاړي یې رامنځ ته کړې.

ټرمپ: د جګړې ګټلو لپاره افغانستان له نقشې ورکولی شم

د امریکا ولسمشر ډونلډ ټرمپ د دوشنبې پر ورځ په واشنګټن کې د پاکستان له لومړي وزیر عمران خان سره ناسته کې خبریالانو ته وویل، که دی وغواړي نو د افغانستان جګړه په یوه اوونۍ کې ختمولی شي او افغانستان د نړۍ له نقشې ورکولی شي، خو نه غواړي چې داسې وکړي

د افغان سولې خبرو کې له پرمختګ سره جګړه ولې توده شوې؟

د افغانستان د سولې بهیر کې د ښکېلو اړخونو د تېرو څو میاشتو هلو ځلو له کبله په افغانستان کې د سولې په اړه یو ځل بیا هیلي پیدا شوې دي. خو ورسره د جګړې په ډګر کې د تاوتریخوالي زیاتوالی د دې لامل شوی چې د سولې روان بهیر تر پوښتنې لاندې راولي

پرتګال کې د اور وژنې لپاره پراخ عملیات پیل شوي

د پرتګال د اور وژنې سلګونه کسان تېره یکشنبه ورځ د دې هېواد د مرکز غرنیزې سیمې ځنګل کې د طبیعي اورلګېدې د پراخېدو مخنیوي لپاره تېره کړې. د رپوټونو له مخې په کاسټلو برانکو سیمه کې یادې اورلګېدنې اته نظامي او دولس ملکیان ټبیان کړي دي.

'د ښوونځیو ماشومان باید رسمي غونډو کې د مېلمنو هرکلی ته ونه درول شي'

د افغانستان د پوهنې وزارت وايي، له دې وروسته هیڅ دولتي چارواکی حق نه لري چې د ښوونځيو ماشومان رسمي غونډو یا د هرکلي مراسمو کې ودروي. د افغانستان پوهنې وزارت چارواکي وايي، له هغو کسانو سره به قانوني چلند وشي، چې د دغه امر له پلي کولو سر غړونه وکړي.

استیناف محکمې د ماشومې مهسا 'قاتلانو' ته ۳۰ کاله بند سزا تائيد کړه

د کابل استیناف محکمې د مهسا په نوم ماشومې د 'قاتلانو' لپاره د ۳۰ کاله بند حکم تایید کړ. دې محکمې په ننۍ (چنګاښ ۳۰) غونډه کې د مهسا د وژنې په تور دوه کسانو ته د ابتدایه محکمې حکم تایید کړ. د کابل ابتدایه محکمې د جوزا په پنځمه په علني ناسته کې دوی هر یو ته د ۳۰ کاله بند سزا اورولې وه

ټوېټر د بهایانو ځورولو له کبله د ایران ځینې رسمي حسابونه ځنډولي

ټوېټر د ایران د "صدا او سیما" او "مهر" په ګډون د ایران حکومتي رسنیو ځینې حسابونه له دې کبله ځنډولي، چې بهايي وګړو ته یې له ځورولو ډکې څرګندونې خپرولې.

'لس میلیونه افغانان لیک لوست نه شي کولای'

د افغانستان پوهنې وزارت چارواکي وايي، دغه هېواد کې نژدې لس میلیونه کسان لیک لوست نه شي کولای، چې عمرونه یې له ۱۵ کلنۍ پورته دي او د هر کال له تېرېدو سره دا شمېر ډېرېږي. بل لور ته نن افغان چارواکو د یوه داسې پروګرام اعلان وکړ چې په رضاکارانه توګه به یې ګډونوال خلک لیک لوست ته هڅوي.

پاکستان کې پر ځغاستلیکه الوتکه د پیلوټ له کنټروله ووتله

د پاکستان هوايي چلند یوه اړونده الوتکه د ګلګت پر هوايي ډګر یوه الوتکه د کښېناستو پرمهال د پیلوټ له کنټروله وتلې ده او له ځغاستلیکې وتلې او په یوه ډاګ کې کېنول شوې ده. الوتکه کې ۴۸ مسافر له اسلام اباده ګلګت ته روان وو.

امریکا-ایران تاو تریخوالی: امریکا سعودي عرب کې پوځ ځای پر ځای کوي

د امریکا متحدو ایالتونو دفاع وزارت وايي، سعودي عربستان کې خپل پوځیان د دې لپاره ځای پر ځای کوي، چې په وینا یې د امریکايي ګټو پر ضد 'د راټوکېدونکي باوري خطر مخنیوي' وشي. دغه اقدام په خلیج کې له ایران سره د بحري بار چالانۍ پر سر د تاو تریخوالي له ډېرېدو وروسته کېږي.

"ایراني ځواکونو خلیج کې د تېلو دوه برتانوۍ بېړۍ ونیولې"

ایراني رسنۍ وایي، د دې هېواد د انقلابي ګارډ ځواکونو جمعه ناوخته د خلیج په اوبو کې د برتانیا د تېلو دوه لېږدوونکې بېړۍ یا ټانکرونه نیولي. وروستي رپوټونه وایي چې یوه بېړۍ بېرته پرېښول شوې خو دویمه د ایران پر لور روانه کړل شوې. لندن کې د برتانیا حکومت د کابینې بېړنۍ غونډه رابللې وه چې د روان وضعیت په اړه خبرې وکړي

کرېکټ: افغانستان الف لوبډلې بنګله دېش ته په لس وېکټو ماتې ورکړه

د افغانستان د کرېکټ الف لوبډلې نن جمعه په خپله لومړۍ پنځوس اوریزه لوبه کې کوربه هېواد بنګله دېش الف لوبډلې ته په لس وېکټو ماتې ورکړه. د افغانستان لپاره نن دواړه اوپنران ښه وځلېدل او تر پایه پر وېکټه پاتې شول. رحمان الله ګربز ۱۰۵ او ابراهیم ځدراڼ ۸۶ منډې وکړې

کابل پوهنتون دروازې ته څېرمه چاودنه شوې

د افغانستان کورنیو چارو وزارت وايي، د کابل پوهنتون جنوبي دروازې ته څېرمه چاودنه شوې. د عامې روغتیا وزارت ویلي، په برید کې لږترلږه شپږ کسان وژل شوي او ۲۷ نور ټپیان دي.

اسراییل: لرغونپوهانو د ۱۲۰۰ کاله پخواني جومات اثار موندلي

لرغونپوهان وايي، ښايي د دغه جومات اثار چې د ۷ او ۸ میلادي پېړیو تر منځ ودان شوی، یوه کمسارې تاریخي موندنه ده. کارپوهان وايي، دغه جومات مستطیل ډوله ودان شوی، چت یا بام یې نه درلود او د مکې مکرمې پر لور یې یو محراب درلود.

کندهار کې له چاودنې وروسته د ډزو غږونه

کندهار کې د بي بي سي خبریال مامون درانی د ځايي چارواکو له قوله وايي، چې عینو مېنې سیمې ته نژدې د امنیې قومندانۍ ودانۍ په شمالي دروازه کې لومړی موټر بم چاودنه شوې او وروسته د بریدګرو او امنیتي ځواکونو تر منځ نښته شوې. د پېښې ځای کې لوګي لیدل کېږي او د سپکو او درنو وسلو د ډزو غږونه اوریدل کېږي.