طالبانو د سولې خبرو لپاره نوې مرکچي ډله اعلان کړه

په دې پلاوي کې د ۱۴ کسانو نومونه اعلان شوي چې مشري یې محمد عباس ستانکزی کوي، د پلاوي په ترکیب کې پنځه نوې څېرې ترسترګو کېږي چې د حقاني شبکې د بنسټ ایښودونکي جلال الدین حقاني زوی انس حقاني هم په کې دی. افغان حکومت وایي، انس حقاني د دوی په بند کې دی او تراوسه یې د خوشې کېدو هیڅ ډول پریکړه نه ده شوې.

د ټاکنو کمېسونونو کمشنران له دندو لرې شول

د افغانستان د ټاکنو قانون کې له بدلون وروسته افغان ولسمشر اشرف غني په فرمان کې ویلي، چې د ټاکنو کمېسونونو ټول غړي له دندو لرې شول، خو زیاته شوې چې د چارو د ځنډ او خنډ د مخنیوي لپاره د دواړو کمېسونونو د دارالانشا رییسان تر یوې مودې سرپرستان دي.

صبغت الله مجددي؛ سیاست، ښېګڼې او کمزورۍ

د افغانستان پخوانی ولسمشر او د ملي نجات ګوند رييس حضرت صبغت الله مجددي د ورپېښې ناروغۍ له امله د ۹۳ کلونو په عمر له دې نړۍ سترګې پټې کړې. د ښاغلي مجددي فېسبوک پاڼې او د ده کورنۍ ته نژدې سرچينې وايي نوموړي د فبرورۍ پر ۱۱ نېټه کابل کې ساه ورکړه.

د افغانستان پخوانی ولسمشر حضرت صبغت الله مجددي ومړ

د افغانستان پخوانی ولسمشر حضرت صبغت الله مجددي د ورپېښې ناروغۍ له امله د ۹۳ کلونو په عمر له دې نړۍ سترګې پټې کړې. د ښاغلي مجددي فېسبوک پاڼې او د ده کورنۍ ته نژدې سرچينې وايي نوموړي د فبرورۍ پر ۱۱ نېټه کابل کې ساه ورکړه. حضرت صبغت الله مجددي په ۱۹۲۶ کال د مجدديانو په مشهوره ديني کورنۍ کې زيږېدلی و.

غني: د سولې لپاره لویه مشورتي جرګه جوړوو

افغان ولسمشر محمد اشرف غني ویلي، حکومت به یې په هېواد کې د سولې لپاره د روان کال په حوت میاشت کې په پلازمېنه کابل کې یوه لویه مشورتي جرګه جوړوي. ولسمشر غني دا څرګندونې دوشنبه کابل کې د سولې ملي مشورتي پروسې غونډې ته خپله وینا کې وکړې

هلمند سیند کې اوبو زیاتېدلو ایرانیان هم خوشال کړل

د افغانستان سوېل ته نیمروز ولایت کې ځايي چارواکي وايي، د هلمند سیند اوبه هامون ډنډ یا جهیل ته بیا ورسېدې. دا ډنډ له کلونو راهیسې وچ دی او له ۱۹ کلونو راهیسې د هلمند اوبه نه ور تویېدې. ایرانۍ رسنۍ وايي، چې د دغه هېواد سیستان بلوچستان ولایت ته د اوبو رسېدلو ایرانیان هم خوشال کړي دي.

که پروتین غواړئ، ملخان وخورئ

څو کاله وړاندې ملګرو ملتونو وړاندیز وکړ چې د پروتینو د ترلاسه کولو له پاره دې د حشراتو پر خوړولو فکر وشي. په لوېدیځ کې دې وړاندیز ته ډېره لیوالتیا ونه ښودل شوه، او په نوره نړۍ کې هغو وګړو ته چې وار دمخه یې ملخان خوړول دا وړاندیز کومه نوې خبره نه وه

غني: طالبانو ته کابل، کندهار یا ننګرهار کې دفتر ورکولی شو

افغان ولسمشر محمد اشرف غني وایي، د ده حکومت چمتو دی چې وسله والو طالبانو ته په کابل، کندهار یا ننګرهار کې رسمي دفتر ورکړي،تر څو دا ډله له دې ځایونو د سولې په بهیر کې برخه واخلي. ولسمشر غني دا څرګندونې یکشنبه ننګرهار ولایت ته د خپل سفر په ترڅ کې وکړې

ترکیه چین ته: د ایغوریانو اجباري کمپونه بند کړئ

د ترکیې حکومت د ایغوري موسیقي پېژندونکي عبدالرحیم حیات له مړینې وروسته، له چین غوښتي چې په دې هېواد کې د کابو یو میلیون اویغوریانو د اجباري اوسېدو کمپونه وتړي. چین ادعا کوي چې په دې کمپونو کې اویغوریانو ته 'کار ورښودل کېږي'.

د نقیب مسید وژنې یوازینی شاهد تري تم شوی

د پاکستان کراچۍ کې ترهګرۍ ضد محکمې ته د وزیرستان وژل شوي ځوان نقیب مسید قضیې لړ کې پلټونکي افسر ‌‌‌‌‌‌ډاکتر رضوان له خوا رپوټ سپارل شوی چې وايي، د دغې قضیې یوازینی عیني شاهد یا ګواه تري تم کړل شوی دی او هېڅ معلومات یې په اړه نه شته.

کندهار او هلمند کې نښتو مرګ ژوبله اړولې

د افغانستان مشرانو جرګه کې د هلمند یو استازی ادعا کوي چې د دغه ولایت په سنګین ولسوالۍ کې ځانګړو ځواکونو له ۲۰ ډېر ملکیان وژلي دي. بل لور ته چارواکي ادعا کوي چې د سنګین ولسوالۍ عملیاتو کې ځانګړو ځواکونو د حکومت ۲۵ وسله وال مخالفان وژلي دي.

خلیلزاد له طالبانو سره د اوږدو خبرو جزییات ډاګیزه کړل

د افغانستان د سولې لپاره د امریکا د بهرنیو چارو ځانګړي استازي له طالبانو سره د خپلو وروستیو اوږدو خبرو ځینې جزییات برسېره کړي دي. ښاغلی خلیلزاد وايي، له طالبانو سره خبرو کې ورته ویل شوي، طالبان دې نتیجې ته رسېدلي چې د افغانستان کړکېچ پوځي حل لار نه لري.

پښتون عمران چېرې دی؟

کېدای شي عمران خان ته وویل شي چې ډېری پښتانه مشران یا په ډرون بریدونو کې وژل شوي دي او یا بې لارې وروڼو وژلي دي. اولادونه یې ټوپک پر اوږه غرونو کې نه ګرځي، بلکې په تعلیم پسې ښارونو ته تللي دي.

''ولسمشر غني د ځان په ګټه د ټاکنو قانون کې بدلون راولي''

افغانستان کې د ولسمشریزو ټاکنو نوماندانو په ګډه ولسمشر محمد اشرف غني تورن کړی چې د ځان په ګټه د ټاکنو په قانون کې بدلونونه راولي. بل لور ته ولسمشرۍ ماڼۍ وایي، همدا نن 'جمعه' د ولسمشر په ګډون د یوشمېر سیاسي ګوندونو او نوماندانو استازو په ارګ کې د ټاکنو قانون د بدلون په څرنګوالي غونډه درلوده.

پاکستان کې کډوالو زدکوونکو ته د پښتو په ځای اردو نصاب

پاکستان کې د ملګرو ملتونو د کډوالو ادارې یا یونیسیار اړوند ټولو افغان ښوونځیو کې روان کال د نصاب بدلولو پرېکړه شوې ده. افغان زدکوونکي چې تر دا مهال یې ډېری کتابونه پښتو دي او دري مضمون هم لري په ځای به یې په اردو او انګریزي ژبه کتابونه لولي.