څه د ژوندون سړو تودو وخوړم
څه د چا مينه کې نشو وخوړم
هسې له وخت نه گيله څه له کوم
خپلو يارانو په پردو وخوړم
وطنه ستا له غيږې ليرې، ليرې
د پرديسيو ورځو شپو وخوړم
هغه خدايي سلام هم نه راکوي
زه يې غمونو انديښنو وخوړم
خپلې خورينگي ته کوترې ويل
زه د ”باز“ دوه وو سترگو سرو وخوړم
١٩٩٩/٧/٨
12.11.2007
- baz
د ژوند مسته نغمه چې له ربابه راوتلهد مينې ولوله مې له شبابه راوتله
زمزم خو به چا نه وي په مينا کې اړولي؟بيگا شپه چې وږمه يې له شرابه راوتله
د تندې تلوسه مې وار له واره زياتيدلهها ښکلې چې يارانو له سُرابه راوتله
پرون چې د مطرب له ترنگه څه مې اوريدليهم هغه مسئله نن له کتابه راوتله
کوم چا به په پنجره کې بنديوانه وي ساتليکوتره خو به ”بازه “ بې حجابه راوتله
١٩٩٩/٦/١٤...
12.11.2007
- baz
اور مې کړه شرر کې مې راونغاړهدرد يمه پرهر کې مې راونغاړه
وا مې خله د سترگو په کونجونو کېښکليه! نظر کې مې راونغاړه
تورو ماښامونو ته مې پرې نه ږدېگوره سپين سحر کې مې راونغاړه...
