له سازه مې د روح يوه نغمه وه چې راتله
که ستا د نرگسي گيسو وږمه چې راتله
حرم کې مې د زړه چې يو صنم ديره کيده
قدم په قدم مخکې بتکده وه چې راتله
غبار د تصور له آيينې مې چې صفا شو
د باد په څير زما په لور هغه وه چې راتله
ستا نوم مې لا په ژبه باندې نه و پوره شوی
په شونډو مې د مينې زمزمه وه چې راتله
تعبير يې د سندرو د مغان له پيره غواړم
بيگا راته په خوب کې پرښته وه چې راتله
12.11.2007
- baz
مازيگر نه لري گودر نه لريزموږه کلی خو اختر نه لري
موږه په داسې چم کې ساه اخلوچې ماښامونه يې سحر نه لري
پر ځای د سرې يې بارود خوړليځمکې مو شاړې شولې کر نه لري
مرگی پر موږه د وير ساندې واييد ژوند نغمې پر موږ باور نه لري
جانانه کله خو راپيښه وکړهزما د زړه جونگړه ور نه لري...
12.11.2007
- baz
له کوم ځنگله نه ورته لاره راځيهره بلا مو چې تر ښاره راځي
د زړه پر ځمکه شنه کوي زخمونهښکلي له څه رنگين بهاره راځي
لکه چې خپل همزاد مې وموندلوچې ورک تصوير ته مې هينداره راځي
د روح سرود مې ورته بين غږويد سينې دښتې ته مې ماره راځي
د زړه له شوره لا وتلی نه يمد مينې غږ له دې بازاره راځي...
