غزل
شـپه تر ســهاره د شـــوګير ملــګرتيا پاتې نه ده
د خندا ډېر دي خـــو د وير ملګرتيا پاتــــې نه ده
تــــه رانـــه اوس هــم د رقيـب دله پوښتنه کوې
شـــکر زما او د خنزير ملګــــرتيا پاتــــې نـه ده
غلا کې شريک دي هر يو خپله خپله برخه اخلي
ددې پــاچـــا او د وزيـــر ملګــــرتيـــا پاتې نه ده
اوس ترې ګردونه څنډل شوي په اوږه ګرځيږي
اوس د شــــلخي ټوپـــک او تير ملګرتيا پاتې نه ده
يو ورځ به پټه خوله درواچوي او وبه دې خوري
ګـــوره د ســــپي او د فقـــير مــلګرتيا پاتې نه ده
ځــــوابه ته پکــــې په څـــو تنو حـــساب مـه کوه
نــــور د وجــــدان او د ضـمير ملګرتيا پاتې نه ده
عزت الله ځواب
