غزل

ورک دى رانـه ځـان ورپـسـې ژاړمـه

لوندى مې دى ګرېوان ورپسـې ژاړمه

څه پـه ټوکـو، ټوکـو کـې يـې وخـوړې

شــونډې دې پېــزوان، ورپـسې ژاړمه

ســتاد د يـاد ګــلونو څـانګې ونــه کړې

زه لـــکــه بـاران ورپـــســې ژاړمـــه

ځي ستــرګو کــې شاته، شـاته وګوري

وايـــي خـداى پــامان ورپسـې ژاړمــه

خــداى خبــر جـانـان مې يادوي که، نه

زه خــو پـــه ايـــمان ورپـسې ژاړمــه

ما ځـــواب د مـــينې يــار پيـــدا نـه کړ

چـــاڼ مــې کـه جــهان ورپسې ژاړمه

 

عزت الله ځواب