غزل
نبيله غزل
چې خوره زما په زړۀ ده تنها يي ده
توره شپه توره تيارۀ ده تنهايي ده
چې مې نيمه لار کې نه پرېږدي يواځې
چې د ښکلو غوندې نۀ ده تنهايي ده
لکه خوند لکه مزه او لکه مالګه
د مين د ژوندانۀ ده تنهايي ده
آينه ده سړى ځان ته پکې ګوري
هغه څۀ دي ، هغه څۀ ده تنهايي ده
د غزل ګل يې تازه راته ساتلى
اوښکې اوښکې ده اوبۀ ده تنهايي ده
11.11.2007
- نصرت الهام
درې نومونه .
يو استاد له يو شاګرد نه وپوښتل ، چې د بدن د درې غړو نومونه چې په ( ميم ) پيل شوي وي واخلي .
شاګرد وويل : معده ، مرۍ او ..... او مريم .
استاد وويل : مريم خو د بدن غړى نه دى .
شاګرد سترګې ټيټې واچولې او ويې ويل : مريم زما زړه دى...
13.11.2007
- نصرت الهام
غزل
جلال امرخېل
کړې حالاتو اشارې دي ځوانيمرګه به شې خواته مې مه راځه خطرې دي ځوانيمرګه به شې
څوک به دې مړه کړي لوپټه په بلۍ مه رپوه د خلکو سترګې درپسې دي ځوانيمرګه به شې
پرون سهار د قضايي لمونځ له ادا نه وروسته درپسې کړې مې ښېرې دي ځوانيمرګه به شې
زمابدنامه نوم په پام اخله بدنامه به شې بي...
