غريبان زلمي يو
مونږ د الفت د ښاريې يو مينان زلمي يو
غربي مينې کړو غريب ساده نادان زلمي يو
په ګريوانو مو مه خنديږئ ليونيان خو نه يو
مونږ د غريب چم اوسيدونکې غريبان زلمي يو
زمونږ په ذهنونو بادشاهي کړي د غزل ښاپيرۍ
ځکه خو داسې ټپې مار يو غزلخوان زلمي يو
مونږه ساقيانو يو د الفت په جام مينې ويشو
هم د الفت جامونه څکو مونږ ميخواران زلمي يو
مونږ د مجنون ګريوان د عشق په مدرسه کې لوستى
ځکه خو څيرې ګريوان ګرځو مجنونان زلمي يو
د ژوند نادودو چې مايوسه نه کړو دا سبب دى
عزم زمونږ دابدالي دى افغانان زلمي يو
د غزل ناوې به سينګار کړود تخليق په ښکلا
مونږ د اريوب يو انديښمنه شاعران زلمي يو
يادګيرنه
نوموړى غزل د ( لا خو له خپل ځان نه پردى يمه زه ) شعري ټولګې نه اخيستل شوى دى
