الله څومره خوږه ده ماشومتوب کې پاچاهي
مابيامونده د خيال په ليونتوب کې پاچاهي

يو تخت و د بخــــــــــلمو ته پاچاوې زه وزير
څه لويه فلســـــفه لري په خوب کې پاچاهي

باڼه يې زما زړه ته چې راورسيدل مات شول
پښتون خو تيره کړې تل په خوب کې پاچاهي

د خوار غريب پوښـــــتنه له ‌ظالم سرغوڅول
په کار ده چې شي داسې په اسلوب کې پاچاهي

دخوست هره ټوټه ده ګلورينه شـــــــــــــــــهزاده
راځه چې داځل وکړوپه آريوب کې پاچاهي

کمال شهزاده خوست