د مينې زور دى ليونى شومه زه
ايله پر لار ايله سړى شومه زه
كاڼى وم خوښ وم د چا نه وم په كار
دردونو مات كړمه غمى شومه زه
ما ته دې نوې دنيا څه راكړي؟
بس يو انسان نه شوم هر شى شومه زه
په ما كې څه دې زه پرې نه پوهېږم
چا ته لوګى د چا زړګى شومه زه
ګل مخې ياره تا ته ډېر نژدې شوم
ځكه و ټولو ته اغزى شومه زه
30.09.2007
- sorosh
څومره هوښيار دى سروش، څومره لېونى دى سروشچا نه يې زړه وړى، او چا ته سپېلنى دى سروشلږ يې د غېږې په اور ګرم كه او ويلې يې كهد بېلتانه سړو وهلى دى يخى دى سروشزما او ستا ياري به څنګه شي ښايسته جانانه خلك خو وايي ته هنداره او لوګى دى سروشد څېرې رنګ دې نن د ده په ليدو بيا بدل شودا شوه ښكاره چې لا تر اوسه دې زړګى دى سروش...
