راليږونکې :امان الله نصرت
د راليږونکي پته :hewad_kabul@yahoo.com
نيټه : 17-03-2009
گواښونه
د یار کوڅه کې رقیبان راته گواښونه کوي
تورې په لاس بیا غمازان راته گواښونه کوي
زما د یار د مخ رڼا یې په زړه او ربل کړی
ځکه نن ستوري د اسمان راته گواښونه کوي
ما ویل د گل پر پستو شونډ و به مې شونډې ږد مه
د زمانې سپیره خزان راته گواسونه کوي
له ما نه غواړي په سرووینو گټل شوی جانان
د خوږې مې نی د ښمنان راته گواښونه کوي
گناه مې داده چې ښکلا د خپل وطن مې ستایم
د تورتمونو خاوندان راته گواښونه کوي
قلم مې اخلی رانه ژبه په چاړو غوڅوي
وایي چې چوپ شه غداران راته گواښونه کوي
زه خو بچی د خپل وطن یم خپل وطن مې خوښ دی
په کوم یو جرم سره لیوان راته گواښونه کوي
د رژوند په لارو یې زما د ښکېل دا مونه ایښي
دارمانونو قاتلان راته گواښونه کوي
ما مې غزل سره لوظونه د حجاب کړي دي
د نقد مور چل نه طالبان راته گواښونه کوي
سپین سپين به وایمه سپین زړه لرمه سپین مې خوښ دی
خیر که د تو رو شپو دیوان راته گواښونه کوي
نصرته سربه غلیمانو لره ښکته نه کړم
که د مرگونو قصابان راته گواښونه کوي
