فلمي نړۍ
ريحان الله رومان
رحيم شاه به ډېر ژر په يوې هندي ډرامه کې راښکاره شي
د پاکستان يو وتلې پروډيوسرخالق محمود په خپله ډرامه چې په کاناډا کې يې چارې روانې دي هندي فنکاران راغوښتې، په دې ډرامه کې د يوانند، زينت امان او نورو برخه لري، داځل به د پاکستان نه رحيم شاه، شهزادراي، جيا علي په هندي ډرامه کې کار کوي، د دې ډرامې شوټنګ به د روان کال په جولاي کې تر سره کېږي، د يادولو وړ ده چې دا به لومړۍ هندي ډرامه وي چې رحيم شاه او شهزاد راي په کې رول لوبوي.
اشوريا راي خپل وزن نور هم کموي
اشوريا راي يو وار بيا اړ وېستل شوې، چې تر څوخپل وزن راکم کړي، د وزن کمولو يو لامل دا ښودل شوي،چې د( هوم 2) فلم ډايرکټر ورته ويلې چې د دغه فلم له شوټنګ وړاندې دې وزن کم کړي. هغه اوس د ځانګړو ماهرينو د څارنې لاندې خپل دغه کار ته دوام ورکوي، تر څو يې له جسم نه اضافه وازدې ويلې شي، داسې خواړه کاروي چې هم صحتمنده وي او هم يې په فلم کې کار وشي،د اشوريا راي د وزن کمولو بله وجه د ابهيشک بچن غوښتنه ښودل شوې. خلک وايې د دواړو د زړونو زخمونه يو دي، چې له امله يې ښه ډېر نژدې شوي.
جوهي چاوله غواړي کمېډي سوپر سټاره شي
جوهي چاوله د يوې لوبغاړې په توګه هر څوک پېژني، دا چې هغه غواړي په کمېډي فلمونو کې خپل بخت وښايې، د(( نانا ګرتي)) فلم کې به هغه داسې ټوکمار رول لوبوي چې مخکې له دې هيچا نه وي لوبولي، د دې فلم ډايرکټر وايې زما لپاره له جوهي چاوله نه بل څوک نه دي معلوم چې دومره بريالي رول تر سره کړي، که دا فلم بريالي شي نو جوهي چاوله به لومړنۍ هندي کمېډي سوپر سټاره وي.
