څه ښه همزولي مې د كلي وو
ما څه ويلي تا منلي وو را ياد شول راته
والله له ياده مې وتلي وو را ياد شول راته
دمحبت سزا يې نيم عمر بېلتون راكړله
يوازې ويښې شپې ليدلي وو راياد شول راته
سپوږمۍ له ما سره د درد زړه رشته وويسته
ستورو له ما سره ژړلي وو را ياد شول راته
يو غږ مې واورېدو ناڅاپه مې څه زړه كې تېر شول
كټ مټ يو څه مې اوريدلي وو راياد شول راته
شمسزيه زه يمه او زه يم، بيا هم زه يم ښار كې
څه ښه همزولي مې د كلي وو راياد شول راته.
13.02.2007
- janan
شعر وليكو كه نثر؟ دعلم او ادب مينه والو او د فكر او نظر خاوندانو!
منندوى مو يم چې پوښتنو ته معقول ځوابونه ليكئ او خپل نظرونه د تبصرو له لارې له موږ سره شريكوئ، زه باور لرم چې ستاسې له ګټورو نظرونو څخه به ډېر خلك ګټه پورته كړي، راځئ دا ځل به داسې يوه پوښتنه رامنځته كړو چې په دې ورځو كې يې په افغان ادبي بهير كې بازار ډېر ګرم دى، په ډېرو غونډو كې د ځينو ښاغليو له خوا نظر وركول كېږي چې شعر مه ليكئ نثر ته مخه كړئ، دوه درې كسان پرېږدئ چې شعر وليكي، ځكه له دې دوو درييو كسانو پرته د نورو...
19.02.2007
- janan
ددې اوونۍ بحث به نقد ته ځانګړى كړو، ځكه اوسمهال پښتو ژبه نقد يا كره كتنې ته هم اړتيا لري، خو چې نقد بايد څه ډول او څرنګه وشي ددې پوښتنې ځواب به ستاسې په تبصرو كې ولولو....
