په دنياحكم چلونكو خلكو
د اټوم بم طاقت لرونكو خلكو
دنيا زمونږه يو شريك كلى دى
زموږ په كلي كې شر مه جوړوئ
د خپل حرص او د حوص په خاطر
ژوند له سنګينه سزا مه وركوئ
د نوي ژوند د نوي فكر په ټال
د غلامۍ تصور مه ځنګوئ
مونږه خوبونوله تصوير جوړوو
زموږ له لاسه قلم مه غورځوئ
د رنګ او نور د ښكلا ډكه دنيا
لوګي لوګي فضا كې مه بدلوئ
داد ګلونو ماشومانو زانګو
دسرو باروتو په ډېر مه دروئ
د د نازونو اداګانو نړۍ
دبدرنګۍ په دوړو مه خړوئ
سفرې په ګلونو د لمبو چې كوي
داسې جازونوته لارمه وركوئ
د انساني عظمت نه ډكه دنيا
د غار او غر دور ته مه ستنوئ
د اټوم بم طاقت لرونكو خلكو
ځان له په خپله خپل ژوند مه لنډوئ
دنيا زمونږه يو شريك كلى دى
زموږ په كلي كې شر مه جوړوئ
