د خیبر جرګه ــ ۴
زیرمه چې په سیمه کې پنجاب وي، د فساد
شرم دی ملا ته د پښتون په کور جهاد
سیمې ته اسلام د پښتنو په مټ راغلی
هڅه او دعوه د پنجابي ده بې بنیاد
حال د اسلام ګوره د هېرا په منډه يي کې
هسې تور پنجاب کړي د اسلام اسلام فریاد
وڅېړې تاریخ که د پنجاب په منطقه کې
ټوله کارنامه ده د قصاب او د جلاد
پوځ د پنجابي دی ملیشه د نیابتي جګړې
نه دي په تصمیم کې د انګریز له لاس ازاد
ښه ده چې خیبر جرګه کې ټول پښتون شي جمع
وکړي فیصله د خپل اختیار او خپل هېواد
پرېکړه د جرګې چې عملي شي په قیمت د سر
وخورۍ یو سوګند پخپل سپیڼغر او په شمشاد
لار چې د پنجاب پر ضد منظور پښتین نېولې
زر ځلې شاباس يي په نیکه او په اولاد
کرښه د انګریز چې د پنجاب پر سر شي ماته
دا یوه ارزو ده په ټول ژوند کې د مراد
د ۲۰۲۴ کال د سېپټمبر ۲۶ مه
سرلوڅ مرادزی