نور کوي ملا پټ د جومات په پس خانه کې
بوخت بیا په ممبر کې دی د حورو افسانه کې
ویني محتسب چې په ښکاره ساقي ته بد وايي
ساتي بوتلونه پټ د جیب په میخانه کې
سپور شو د رویا پر سپرلۍ، پورته شو له ځمکې نه
وخاته اسمان ته د یو ګوټ په پیمانه کې
شیخ ګوره د هرې تسبیح تاو کې الله هو وايي
ښخ يي دی نظر د کوڅې هر یو زنانه کې
پير چې د ریا قبا په غاړه ابدي ګرځۍ
تخم د بېلتون شیندي په هره زمانه کې
ژوند رانه قصو او افسانو د وخت تروړلی دی
ځکه استوګن یوو د نړۍ په ویرانه کې
پوه یم متحجر راته چاړه د حلالې لټۍ
سر مې دی ورکړی لا پخوا په نذرانه کې
د ۲۰۲۲ کال د نومبر ۶ مه
سرلوڅ مرادزی
06.11.2022
- عبدالمالک یخکړیوال
د ژوند بد لون او پر مختګ د انسان په فکر پورې اړه لري.څومره چي د يو انسان فکر مثبت وي، دومره به یی ژوند ښکلی وی، او د پرمختګ په لور به يون کوی. څومره چي ديو انسان فکر منفې وي، دومره به یی ژوند بدمرغه او منفې خواته یون کوې. موږ او تاسو باید د خپل ژوند د انکشاق او پر مختګ لپاره ژور او مثبت فکر وکړو، او له هم دې لارې خپلي ستونزي او مشکلات حل او فصل کړو. موږ باید خپل ژوند خپله بدل کړو، هیڅوک نه شي کولای زموږ ژوند بدل کړي دا موږ یو چی خپل ژوند خپله بدله ولی شو. نو د پایلې په توګه ویلی شو ، که غ...
09.11.2022
- محمدسرور وکیلي
په تیرو زمانو کي چي د مصروفیت او ساعت تیرۍ لپاره تخنیکي الکترونیکي آلې نه وې نو د مصروفیت اوخوښۍ لپاره ځانګړي خلک وه، چي خلک به ئې مصروفه ساتل. لکه نکلچیان، غزلچیان، دریه لوبونکي، پلزنان، دخوب ماناکونکي، لاسکتونکي او دغسي نور ډېر. دغه ډول خلک به په کلي او بانډو کي نامتو وه او هرچا به هم پېژانده. خو یوه ورځ په کلي کي یوه سړي خوب ولید، چي پاچا ده ته څلوېښت خرماوي ورکړې. چي داسړی له خوب راکښېناست خپل خوب ئې چي لیدلی وو ډېر خوشهاله سو او خپل خوب ئې خپلي مېرمني ته ووایه، چي...
