غازي امانه! سر راجګ کړه له جلال آباده
سل کاله مخکې آزاد کړی هیواد ځي برباده!
تا خو غوښتل افغانستان به د سیالانو سر شي
ښځې او نر به برابر وي او ټولنه ښاده
تا فابريکې،دارالامان ،ښاراو پټلۍ جوړول
تا اساسي قانون، جرګې او ښوونځي بنیاده
خو
تا دڼنه د لستوڼي ماران نه پېژندل
دوی ول یا هندوزاده او یا د انګریز له زاده!!
ګوډ ملایان، بغدادي پير او د سقو بچکان
بریطانیا درته راشنه کړل سیاسي-دین له ډاډه!
ساده افغان ېې غولول په دروغجن اسلام
تې په څلور مذهب کافر کړې پر پنج پیر نژاده!
تا د افغان سپېڅلې وینه تویول نه غوښتل
لاړې سویس ته خو تر پایه د وطن په یاده!

اوس راشه ګوره په وطن څه حال دی؟
څوک چې وينې تویوي ،وايي مارشال ي زما ده!
اوس همهغه انګریزان،امریکایان او پنجابي ګوډاګیان
هم فارشیستان ،هم ترکستان ،نه دیرش ملکو غوغا ده
کابل او ټول ولایتونه ، قصبې او کلي
ورانوي، وژني ولسونه قصه د بن-لادا !ده
زړور ساپیه!صبر وکړه!وخت راځي د غزا!
له باچا خانه تر نجیب د لر او بر دعوا ده!