دا د پورته سرليک اړتيا ځکه پېښه شوه چې ښاغلي زاهد خان شيدا د خپلې لورينې له مخې د امېل پښتومجلې څو گڼې د ډالۍ په دود راکړې ، يوه يې هم د ( رحمان بابا) نمبر وه چې سرسري مې ولوسته ، خو ژر مې د ښاغلي (شهاب عزيز ارمان) پر ليک د (رحمان بابا په شاعرۍ کې د قران او حديث اثرات ) سترگې ولگيدى
د همدغه ليک په پاى کې( د اميل پښتو مجلې د( رحمان بابا) د نمبر جولاى – دسمبر ٢٠١٤په ٩٥ مخ )کې يوه جمله ده چې نيوکه او اعتراض پرې کېداى شي .
ټوله جمله په دې ډول ده
(يوه (نظريه) چې د اسلامي نړۍ او عيسايي مذهب پکښې سره اختلاف دے ، هغه دعيسى اسمان ته ختل دي ځکه چې دازمونږ (نظريه) ده او ددې په ترڅ عيسايان د عيسى د وفات قايل دي په دې اړه د قرآن آياتوته او احاديث هم شته )
د اميل مجلې د( رحمان بابا) نمبر ٩٥ مخ جولاى – دسمبر ٢٠١٤
نظريه د د نيايي سياسي اند ، سوچ يا باور ته ويل کيږي چې د وخت له شرايطو سره بدليداى هم شي ، دا کلمه په سياسي گوندونو کې ډيره کارول کيږي .
يو وخت يو کس يا تن ته د يو گوند نظريه ښه او غوره څرگنديږي
بيا يو کال يا څو کاله وروسته ورته د بل گوند نظريه ښۀ او غوره معلومه شي
نو له لومړۍ نظريې يې گرځوي او بله نوى نظريه اخلي او خپله پخوانۍ نظريه پر نوى نظريې بدلوي
ساده بيلگه يې که يو تن په لومړي سر د عوامي نېشنل گوند پر نظر يې وي خو څه موده وروسته بيا د انصاف گوند ته ورځي نو خپله نظريه يې بدله کړه نودا دنيايي سياست پورې تړلې ده
خو ايمان بيا داسې باور دي تصديق بل القلب واقرارباللسان
( پر زړه کلک باور) او( پر ژبه وينا ) دا ايمان دى
پرقرآن کريم د مسلمانو کره پوخ باور ( ايمان ) دى چې شک په کې بيخي نه ځايږي او د قرآن کريم دا آيتونه دى چې عيسى عليه السلام اسمان ته خيژول شوى دى
دا خبره نظريه نه ده دا بيخي کره باور او ايمان دى چې شک په کې بيخي نشته او د يو مسلمان په توگه دا باورنه ختميږي او نه بدليږي که دا باور بدل شونو، مسلمان مسلمان نه پاتې کيږي
همدغه ډول يې دعيسايانو هم همغه باور او ايمان دى چې ( نعوذ با الله ) عيسى عليه السلام وژل شوي دى
دا هم د عيسايانو نظريه نه ده بلکې د عيسايانو ايمان دى چې د قرآن کريم د ايت له مخې ناسم دى او همدغه د عيسى عيله السلام وژلو ته ځواب دى چې عيسى عيله السلام ژوندى دى په اسمان کې دى
دانظريه نه ده دا د قران کريم خبره کلک باور دى
إِذْ قَالَ اللَّهُ يَا عِيسَىٰ إِنِّي مُتَوَفِّيكَ وَرَافِعُكَ إِلَيَّ وَمُطَهِّرُكَ مِنَ الَّذِينَ كَفَرُوا وَجَاعِلُ الَّذِينَ اتَّبَعُوكَ فَوْقَ الَّذِينَ كَفَرُوا إِلَىٰ يَوْمِ الْقِيَامَةِ ۖ ثُمَّ إِلَيَّ مَرْجِعُكُمْ فَأَحْكُمُ بَيْنَكُمْ فِيمَا كُنتُمْ فِيهِ تَخْتَلِفُونَ
دابل ايت
وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَٰكِن شُبِّهَ لَهُمْ ۚ وَإِنَّ الَّذِينَ اخْتَلَفُوا فِيهِ لَفِي شَكٍّ مِّنْهُ ۚ مَا لَهُم بِهِ مِنْ عِلْمٍ إِلَّا اتِّبَاعَ الظَّنِّ ۚ وَمَا قَتَلُوهُ يَقِينًا (١٥٧) بَل رَّفَعَهُ اللَّهُ إِلَيْهِ ۚ وَكَانَ اللَّهُ عَزِيزًا حَكِيمًا
