امجد علي خادم
د دردونو مېږتون دى که يې ګورې
زړه مې ځاى د ځيګرخون دى که يې ګورې
پښې دې مۀ رپه ډاډه راځه قاتله
خيال اوفکر مې پښتون دى که يې ګورې
دامتل دى چې پښتۍ پکې ماتېږي
د پښتو داسې قانون دى که يې ګورې
دا چې نن د معاشي زندان قيدي دى
ارسطودى افلاطون دى که يې ګورې
اورکيغوندې خادم تيارو کې ګرځي
فکرمنده د بدلون دى که يې ګورې
05.10.2006
- hairan
په بدلېدونکې دنيا کښې د ادب کردار
پروفېسر ډاکټر ايم اقبال نسيم خټک
ادب څۀ دى؟ د ادب بنيادي مقصد څۀ پکار دى؟ د ادب د ژوند سره څۀ تړون دى؟ د دغه نوعيت د سوالونو جوابونه پخوا هم حل طلبه وو اؤ اوس هم د دغه سوالونو پرېکړي اؤ واضح جوابونه ممکن نۀ دي ځکه چې د موسمونو په شان د حالاتو په بدلېدو کښې هم ځنډ کېږي نه. بله دا چې په هر تېر شوي دور پسې راتلونکى دور نوى ګڼلى شي. نوى دور د اولس د امېدونو مرکز اؤ محور وي. ا...
06.10.2006
- hairan
(لنډه کيسه)
عبدالهادي حېران
پېښه داسې وه چې دډېرو ورځو نه زۀ د اوسېدو لپاره د يوکوارټر په درک کې ووم. په پېښور کې د کرايې په کوارټر پسې ګرځېدل ماته د خودکشۍ کولو نه زيات ګران کار ښکاري. خلک دومره سپين سترګي دي چې تۀ به ولاړ ئې او کنځلې به درته پېل کړي: " کوارټر چرته دى وروره! د کرايه دارو دې خداى بېخ وباسي دومره ډېر شوي دي چې په خپلو کورونو کې مو هم نۀ پرېږدي". يا به په ظاهره ډېر په نفرت سره ووائي " يره د دې کابليانو د لاسه کوارټر خالي چرته پاتې کېږي. دوى خدا...
