" ترافيک مې کنتروړ کړى دى"
عنايت الله ضياء
ما ويل جوړې کومه غټه پېښه شوې ده. سړک بند ؤ او د موټرو، رېړو ټانګو يو لوي قطار لګېدلى ؤ. د هارنونو شور ؤ، رکشې دوکانونو ته ختلې وې، ټانګو والا بېل چابکونه خوځول. څلورلارې کې په يو مخ هم د تلو لاره نۀ وه. چې پوښتنه مې وکړه نو معلومه شوه چې پېښه نده شوې. حېران وم چې بيا دا موټرې ولې په ځاى ولاړې دي. چې ورمخکې شوم نو د څلورلاري په مېنځ کې مې چابک په لاس د ترافيکو پوليس وليدو. په غيض و غضب سره يې کله د يوې رکشې چت واهه او کله د بلې لارۍ بانټ. ځګونه يې په خوله کې او لکه د مار تاوېده راتاوېده. په وېره وېره ورنزدې شوم او په قلار مې ترې پوښتنه وکړه "دا موټرې ولې ولاړې دي؟"
په هماغه غضبي لهجه يې وويل " ترافيک مې کنتروړ کړى دى"
15.09.2006
- hairan
پښتو ادب اؤ تصوف
عمرګل عسکر
ادب د انساني ژوند اؤ ژواک سره چې څومره تعلق لري د هغې اندازه د دې نه هم لګېدلى شي چې ادب د انساني ژوند هره موضوع په ځان کښې رانغښتې ده. ګويا د انسان جذبات، احساسات، خيالات اؤ معاملات چې د ژوند د کوم يؤ اړخ سره تعلق لري د ادب په ذريعه ئې اظهار کېدلى شي.په انساني ژوند کښې تصوف هم يوه داسې موضوع ده چې په څۀ نا څۀ صورت کښې هم، اؤ بِالاراده هم، د ادب په ذريع...
15.09.2006
- hairan
(دوهمه برخه)V
کۀ يؤ لوري ته دنيا کښې پښتون ادب ځان په نړيوال ادب کښې د شاملېدو جوګه کړو نو بل لوري ته د دغه وخت ادبي خلا د پېدا کېدو ډکون د انګرېز په ضد د پښتنو د مبارزو په شکل کښې دوام وموندلو. د پښتنو په ضد انګرېز ډېرانسانيت سوز مظالم هم وکړل چې په مقابله کښې ئې پښتنو هم تورې ته لاس کړو اؤ هغه کارنامې ئې وکړې چې د نړۍ توجه ئې اوس د تورې په ميدان کښې ځان ته مبذوله کړه. په نور هند انګرېز ته په قبضه...
