د تایلینډ حکومت د جمعې په ورځ لږترلږه ۶۰ تنه ناقانونه کمبودیایي کاریګر له خپل هیواده وویستل.
تایلینډي چارواکي وایي دغه کسان چې ۲۳ میرمنې هم په کې شاملې وې په پټو سرحدي لارو په ناقانونه ډول او پرته له کومو اسنادو تایلینډ ته د کار کولو لپاره راغلي وو.
د تایلینډ د پولیسو یو لوړپوړی چارواکی 'نام یونګ' وایي، له کمبودیا څخه ډیری کاریګر د قاچاق کوونکو لخوا په ډیرو کمو پیسو تایلینډ ته د شاقه کار کولو لپاره راوړل کیږي، چې له یوه اړخه په تایلینډ کې د کار او تجارت توازن کډوډوي او بل په امنیت هم بد اغیز کوي، چې دا یوه لویه ستونزه ده.
نوموړي د تایلینډ حکومت د تیر کال د یو راپور پر بنسټ وویل، "اوسمهال په تایلینډ کې تقریبآ یو میلیون کاریګر په کار بوخت دي، چې لږترلږه ۳ سوه زره یي هیڅ ډول اسناد په لاس نه لري.
هغه وایي، دا د حکومت لپاره یوه ستره ستونزه ده چې له منځه وړل یې جدي اقدامات او سالم مدیریت ته اړتیا لري.
23.04.2017
- خوشحال صافی
د استرالیا حکومت د مهاجرینو لپاره د دغه هیواد د تابعیت د ترلاسه کولو پروسه کې نوي تغیرات او د انګلیسي ژبې یوه ازموینه زیاته کړی.
یاد شوې حکومت وایي، د استرالیا د تابعیت یا په دغه هیواد کې د دایمي هستوګنې د ترلاسه کولو پروسه لا پسې سخته او تقویه کوي، تر څو یوازی هغه څوک یې ترلاسه کړی شي چې په ریښتینې ډول یي مستحق اوسي.
نوې ازموینې سره هغه کسان چې غواړي د اسټراليا تابعت ترلاسه کړي، بايد دا وښايي چي څنګه یې ځان اسټراليايي ټولنې سره برابر کړی او څومره يې ټولنې ته خدمت کړی....
23.04.2017
- عبدالکریم رحیم
څه موده مخکې د پاکستان کابینی یو پلان تصویب کړ چې هغه پاکستان سره د قبایلو یو ځای کیدو ته لار پرانیزی. دې سیمې تر اوسه د خپل دود دستور سره سم او د انګریزانو سره د شوو تړونونو پر بنسټ خپل قانونی او سیاسی حیثیت درلود.
د افغانستان حکومت د پاکستان د اقدام په ارتباط چپه خوله ناست دی او هیڅ اعتراض یې په دې اړه نه دی کړی. دې کار یې حتی پاکستانی مطبوعات هم حیران کړي. د سرحداتو د وزارت سر پرست په ضمنی توګه د پاکستان اقدام تائید وي او وایی: «مونږ ته د قبایلو د خلکو خوښه او پریکړه مهمه...